Batuhampar, Akabiluru, Lima Puluh Kota
Batuhampar (Minang:Batuhampa) marupokan salah satu Nagari di kecamatan Akabiluru di Kabupaten Lima Puluh Kota, Sumatera Barat, Indonesia.
| Batuhampar | |
|---|---|
| Nagara |  Indonesia |
| Provinsi | Sumatera Barat |
| Kabupaten | Lima Puluh Kota |
| Kecamatan | Akabiluru |
| Laweh | 10.35 Ha |
| Panduduak | 3143 jiwa |
| Kapadatan | 700 jiwa/km2 |
Sijarah
Batuhampar barasa dari kato batu jo hampa, nan dahulunyo banyak batu nan tahampa di daerah ko.
Geografi
Nagari Batuhampar talatak di pabatehan antaro Kabupaten Lima Puluh Kota jo Agam. Kini alah tamasuak salah satu di antaro tujuah nagari di Kecamatan Akabiluru, Limapuluh Kota. Nagari iko bajarak km 23 dari Bukiktinggi atau sakitar 10 km manuju Payokumbuah pado lintasan jalan utamo Bukiktinggi ─ Payokumbuah, tapeknyo sekitar 2 ½ km arah selatan lintasan tasabuik.
Sacaro geografis, nagari iko babatehan jo Nagari Sariek Laweh di utaranyo, sarato jo Nagari Kototangah Batuhampa di selatannyo; di sabalah abrat jo Bukik Sulah bagian dari Bukik Barisan nan curam (± 500m) sabagai dindiang pambateh jo Nagari Padang Tarok, Agam. Samantaro di sabalah timur babatehan jo Nagari Durian Gadang, nan daulunyo marupokan ciek dari tigo jorong di Batuhampa (basamo Batuhampa jo Koto Baru Batuhampa). Jorong Batuhampa adolah jorong nan paliang gadang dan manjadi induak nagari itu sajak lamo.
Pamarintahan Nagari
Batuhampa dipimpin dek Wali Nagari dan dibantu dek sekretaris nagari.Kanagarian Batuhampa manuruik administrasi pamarintahannyo mampunyoi 2 Jorong, yaitu Jorong Batuhampa jo Jorong Koto Baru
Sarana pandidikan
Di Nagari Batuhampa ado 3 tingkek pandidikan, partamo tingkat Sekolah Dasar jo 3 sikolah (SDN 1, SDN 2 Dan SDN 3) dan tingkek SLTP yaitu Madrasah Tsanawiyah Al Manaar jo 1 Tingkat SLTA yaitu Madrasah Aliyah (MA) Al Manaar.
Tingkek Pandidikan Masyarakaik Batuhampar
| No | Tingkat Pandidikan | Jumlah (Jiwa) |
|---|---|---|
| 1 | Buta Aksara | 10 |
| 2 | TK | 50 |
| 3 | Indak tamaik SD | 147 |
| 4 | Tamaik SD/sadarajaik | 503 |
| 5 | Tamaik SLTP /sadarajaik | 711 |
| 6 | Tamaik SLTA /sadarajaik | 1212 |
| 7 | Sarjana D3 | 350 |
| 8 | Sarjana S1 | 156 |
| 9 | Sarjana S2 | 1 |
| 10 | SLB A | 3 |
| Total | 3143 |
Sumber: Profil Nagari Batuhampar
Parekonomian
Masyarakaik Batuhampar mayoritas bakarajo ka sawah jo pangasilan utamo adalah padi, karambia, lado, dan ado juo sabagai pagawai nagari sipil atau padagang, taranak dan lain-lain.
Jinih Karajo Masyarakaik Batuhampar taun 2010
| No | Jinih Karajo | Jumlah Panduduak |
|---|---|---|
| 1 | Ka sawah | 1970 |
| 2 | Buruah Tani | 50 |
| 3 | PNS | 134 |
| 4 | Taranak | 300 |
| 5 | Montir | 10 |
| 6 | Tukang Bangunan | 14 |
| 7 | Tukang kayu | 6 |
| 8 | Tukang Sumua | 6 |
| 9 | Tukang jaik | 4 |
| 10 | Tukang Bekam | 2 |
| 11 | Padagang | - |
Tokoh
Tokoh nan tanamo dari nagari iko adalah Mohammad Hatta, salah saurang Proklamator Indonesia. Ayahnyo barasa dari nagari iko, dan atuaknyo Datuak Syekh Abdul Rahman mandirikan pusek pandidikan Islam Al-Manar.[1] Salain itu, sijarawan Mestika Zed juo dilahiakan di nagari iko.
Bangunan basijarah
Di Nagari Batuhampar ado situs sijarah pakambangan Islam di Sumatera Barat yaitu bangunan gobah jo arsitektur India Arab. Bangunan nan ado di dalam komplek gobah iko adalah makam dari ayahanda proklamator Indonesia Muhammad Hatta. Bangunan iko marupokan simbol kajayaan Islam nan masih tasiso di wilayah Kabupaten Lima Puluh Kota. Gobah juo marupokan salah satu objek wisata religius nan rami dikunjuangi satiok bulan Ramadhan. Salain itu, di dalam komplek kawasan Gobah ado juo sabuah tampek suluak nan rami dikunjuangi salamo bulan Ramadhan.
