Аристэ, Пауль Александрович

Пауль Александрович Аристэ (эстонла Paul Ariste, 19051990) – йылмызе-шанчызе, талантан туныктышо, Эстон Республикысе шанче академийын академикше, Тарту университетын профессоржо, Америкысе лингвист ассоциацийын еҥжылан шотлалтын, ятыр йот университетын почётан профессоржо. Этнографийым, археологийым, фольклорым келгын шымлен, пашаштыже кумдан кучылтын. Марий калыкын тӱвыражым вияҥдымаште келге кышам коден.

Пауль Александрович Аристэ
Пауль Александрович Аристэ
Шочын: 1905 ий 3 Пургыж(1905-02-03)[1][2] или 1905 ий[3]
Шочмо вер:
Колен: 1990 ий 2 Пургыж(1990-02-02)[2] или 1990 ий[3]
Колымо вер:
Эл:Эстоний Эстоний, Совет Ушем Совет Ушем
Шанче алан:йылме
Паша вер:
Альма-матер:
Палыме тунемше-влак:Михаил Гаврилович Атаманов[d], Куусинен, Мартти Эсович[d] да Лаанест, Арво Хансович[d]
Чап пӧлек да премий
Кышкар:Аҥа/Викицитатник

Шанче паша

Пауль Аристэ лу йылме наре пален, кутырен моштен, шке шанче пашажым эстон йылме деч посна немыч, англичан, руш, финн, швед, латыш, лив йылмыла дене возен. Эрзя-мордва, венгр йылмыла денат начар огыл ойлен. Пауль Аристэ шымлыме пашаже-влак тӱҥ шотышто Балтик теҥыз воктенсе финн-угор-влаклан пӧлеклалтыныт, поснак эстон ден водь йылме-влак дене кугу специалист лийын. Тудын тӱҥ корныжо экспериментальный да сравнительно-исторический фонетика, но этимолог да грамматист семынат кугу чапым налын. Ученыйын возымыж гыч тыгай шымлымаш-влакым ончыкташ лиеш: “Водь йылме грамматика”, “Эстон йылмын фонетикыже”, “Некоторые заметки по фонетике коми языка”. Пытартыш жапыште водь йылме мутерым ыштымаште чот тыршен. “Советское финно-угроведение” журналын икымше номерже гычак Пауль Аристэ тӱҥ редактор лийын.

Палыме тунемшыже-влак

Марий кундем гычын икымше аспирант-влак Лидия Петровна Васикова да Иван Степанович Галкин лийыныт. Тидын дечын вара Аристэн школжым Иван Иванов, Георгий Валитов, Валентин Васильев да шуко молат эртеныт.