Repoblika Mizakatenan' i Krimea

Ny Repoblika Mizakatenan' i Krimea dia fizaràna ara-dalànan' i Okraina, niforona tamin' ny taona 1995 taorian' ny naharava ny Firaisana Sôvietika, ary eo ambany fibodoan' ny Rosiana nanomboka tamin' ny Febroary 2014. Ny Repoblika Mizakatenan' i Krimea dia mandrakotra ilay saikanosy mitovy anarana aminy afa-tsy ny tapany avaratry ny Tsipîkan' i Arabat izay ao amin' ny ôblastan' i Kherson, ary ny kaominina Sevastopol izay ao anatin' ny toe-draharaha pôlitika aminy araka ny sata rosianan' ny tanàna federaly. Ny renivohitra sady tanàna lehibe indrindra ao amin' ilay Repoblika Mizakatena dia ny tanànan' i Simferopol. Mivondrona eo ambanin' ny lalàna okrainiana ao amin' ny faritra ara-toekarena malalakan' i Krimea ny Repoblika Mizakatenan' i Krimea sy i Sevastopol.