Stasiùn de Inpeia
IN | Sta pagina chi a l'è scrita in inpeiéśe |
A stasiùn de Inpeia, (in zenéśe Staçión de Inpéria, in arbenganéśe Stasiùn de Impéia, in italian Stazione di Imperia) a l'è ina stasiun feruviària italiana ch'a se tröva in scià Zena-Vintimïa, vèrbüa a partì dau 2016, a l'e au servissiu da cumüna de Inpéja séde da Pruvinsa cun u nomme paéscu.
| Inpeia staçión feroviària | |
|---|---|
 | |
| Localizaçión | |
| Stâto |  Itàlia |
| Localitæ | Imperia |
| Cordinæ | 43°53′50.19″N 8°01′52.24″E |
| Lìnie | ferovîa Zêna-Vintimìggia |
| Caraterìstiche | |
| Tîpo | stasiùn pasànte |
| Stâto atoâle | dövöâ |
| Gestô | Rete Ferroviaria Italiana |
| Ativaçión | 2016 |
| Binâi | 4 |
| Interscàngi | Curiêre urbâne Tascì |
Stòia
I primmi tavàji pé l'ativasiùn da tràtta i sun stâi tu fâiti ai inissi du 2016, cun a custrusiùn di prìmmi lòtti da feruvìa, ma a pé u növu inpiàntu u l'è stâitu ativâu in ciàn spartìu in tréi mumenti, u primmu fra u 4 e u 25 de śügnu, u segundu düante a stè e a fàśe ciü inpurtante a cumensà dau nuvénbre de cöll'ànnu, che u l'à purtâu a l'inseiméntu di ürtimi dettaji, cumme e scâe mòbili e daa magiurânsa di servissi esensiâli, cuntempuraneamente u l'è stâitu ciòsu u tràttu fra San Luensu e Arassce, pé cunsentì u racòrdu fra u növu e u véju traciâu.[1][2]
A stasiùn a l'è stâita dunca vèrbüa u 19 de dexènbre du 2016, insemme au növu toccu de fèruvia ch'u l'a fâitu diventà ciòse e stasiùi de Diàn, Ineia, U Pòrtu, Sêrvu-San Bertumê e Andöa.
A partì dau śenà du 2017, sun stâite ativâe e prusedüe pé permette l'iśulamentu di anbiènti dai soi, pé l'arìvu da pustasiùn da pulisìa feruviària e ascì in previxiùn a l'è stâita l'avertüa de in stâncu, dunde se pònan acatà giurnali e àutre côse.[3]
Parte de cölli travaji i sun stâiti terminâi entru u periudu de scadensa previstu, indicâu cumme śügnu du 2017, nunustante che i nun sùn mancâe e critiche da chi dövöa de lungu a stasiun, che rispettu a quélle veje, ciü vixìne ai quartê d'Ineia e du Pòrtu, aù ripïàbili sulu cun a machina o cun a curiera.
Propiu pé stu fâitu chi a cumüna a l'à decìśu de mette màn aa śona da stasiùn, vistu che au 2020 u stâncu u l'éa ancù ciòsu e che i mancàvan ascì de segnalasiùi adeguâe. Intu paéscu periudu u l'è stâitu preśentâu u prugettu pé culegà a stasiun cun a pìsta ciclabile intu veju traciâu da feruvìa, grassie a l'alargamentu da stràdda vixin aa s-ciümâia.[4]
Inpianti
A stasiùn gh'a quattru binâi pé u traspòrtu di passegéi e dui fabricâi viagiatùi, segundu a clascìfica de RFI a stasiun de Inpeia a l'è ina stasiun de categuïa "d'ôu".[5]
Servissi
• 
Spurtellu de bïetteìa
• 
Bïetteìa autumatiśà
•
Salùn d'atéśa
• 
Servissi igenici
• 
Pòstu da Pulisìa feruviaria
Interscangi
A stasiùn a se tröva distante dai servissi da sitài, pé questu u l'è stâu rimudernâu u calendâiu de curse de curiêre, che e cunsentàn ina méju cuvertüa du tràfegu.
•
Curiêre RT du trasportu pübrivu lucàle da Pruvinsa de Inpéia.
•
Tascì.
Galeïa de figüe
A növa linea dau 2016, màppa
Nòtte
Âutri prugètti
Wikimedia Commons a contêgne di files in sce stasiùn de Inpeia
