Kahlil Gibran

Gibran woort gebore in Libanon. Zien awwers waore Maronitische christene. Wie heer 12 waor, vertrok zien mam mit häör kinger nao de Vereinegde Staote vaan Amerika, mer nao ‘ne korten tied sjikde heer Khalil trök um zien opleiing door te goon. In 1901 verleet heer Beirut en dwaolde heer door Europa. Dao kaom heer in kontak mit de Europese moderniste en de Romantiek. Zien ierste beukske “al-Musiqa” (1905), wat in feite mie ‘n pamflet waor, waor ‘ne romantische lofzank veur meziek. Heer heet ‘t groetste deil vaan zien productief leve doorgebrach in Boston en Paries.

Gibran sjreef historie mit zien poëtische werke: veural zien book De Profeet is erg populair gewore bij ‘t publiek en weurt tot vandaag de daag nog ummer door veul luuj gebruuk es ‘ne persoeneleke Biebel. Heer is in de Arabische wereld ouch bekind es vrijdinker en sjriever, eine vaan de wienege vaan zien tied die boete grenze en versjille keek. Heer sjreef zoeväöl in ‘t Ingels es in ‘t Arabisch, veural korte verhaole en prozaïsche gediechte. In taegesjtelling tot de conventioneel Arabische literatuur, is zien werk erg toegankelik, ouch veur religieuze lui en lui die zich thoes veule in atheïsme. Zien reputatie es ‘n centraal figuur in de moderne Arabische literatuur is noets in twiefel getrokke.

Neve ‘t sjrieve, sjilderde heer dèks; zien beuk bevatte väöl vaan zien werke. Later besjreef heer zien leve in Libanon es idyllisch, in zien werk sjient ‘n groet deil vaan de volkscultuur en natuursjoenheid vaan Libanon door.