Den Tour de France 2012 war déi 99. Editioun vum Tour de France. En huet den 30. Juni2012 zu Léck an der Belsch ugefaangen a koum den 22. Juli2012 zu Paräis un. D'Course hat eng total Distanz vun 3.494 Kilometer. 198 Coureure aus 31. Natioune sinn an 22 Ekippen un den Depart gaangen, 153 dovun hunn et och iwwer d'Zillinn gepackt.
Den Tour gouf vum Britt Bradley Wiggins gewonnen, dee vun der 7. Etapp un de Gielen Trikot net méi ausdoe sollt. De Gewënner vum Joer virdrun, de Cadel Evans koum wäit hannendru just op Plaz 7 vum Generalklassement.
Den Andy Schleck konnt wéinst enger Chute e puer Woche virdru beim Critérium du Dauphiné net matfueren. Säi Brudder Fränk Schleck gouf de 14. Juli positiv op d'Diuretikum Xipamid getest, wat zwar keen Dopingmëttel ass, mä zur Verschleierung vun Doping benotzt ka ginn an dowéinst trotzdeem net zougelooss ass. Obwuel dee Befonnt net zwangsleefeg zu enger Sanktioun hätt féiere missen huet seng Ekipp e prompt aus dem Tour zeréckgezunn.
Um Programm stoungen néng Flaachetappen, véier Etappe mat Hiwwelen a sechs Biergetappen, dorënner der véier mat Biergarrivée.
Et war den éischten Tour zanter dräi Joer bei deem den Depart a Frankräich ass, an zwar tëscht dem Passage du Gois an dem Mont des Alouettes an der Vendée.
Déi éischt dräi Etappe goufe komplett an der Belsch gefuer, eréischt duerno ass den Tour a Frankräich komm. Anescht wéi zior goung et nees mat engem Prolog lass, engem kuerzen Zäitfueren zu Léck. Am weidere Verlaf gouf et nach zwou weider Etappe mat individuellem Zäitfueren, en Ekippenzäitfuere war dogéint net virgesinn.
Frankräich.svg){kind=small}
Belsch
Schwäiz.svg){kind=small}
Bradley Wiggins (Team Sky)
Vincenzo Nibali (Liquigas-Cannondale)
Peter Sagan (Liquigas-Cannondale)
Tejay van Garderen (BMC Racing Team)
Chris Anker Sørensen (Saxo Bank-Tinkoff Bank)
RadioShack-Nissan
_pictogram.svg){kind=small}
