Tour de France 2010
Déi 97. Editioun vum Tour de France gouf 2010 vum 3. bis de 25. Juli gefuer. D'Course hat eng total Distanz vun 3.642 Kilometer. 197 Coureure sinn an 22 Ekippen un den Depart gaangen, 170 dovun hunn et och iwwer d'Zillinn gepackt.
![](http://upload.wikimedia.org/wikipedia/commons/thumb/e/eb/Tour_de_France_2010_map-fr.svg/250px-Tour_de_France_2010_map-fr.svg.png)
Gewonne gouf den Tour, grad wéi deen d'Joer virdrun, vum Spuenier Alberto Contador. Zweete gouf den Andy Schleck, drëtten de Russ Denis Menschow.
De 6. Februar 2012 huet den Tribunal Arbitral du Sport zu Lausanne an engem Urteel de Contador fir 2 Joer wéinst Doping gespaart, an him ë. a. den Titel vum Gewënner vum Tour de France 2010 oferkannt. Domat ass den Andy Schleck annerhalleft Joer duerno als Vainceur 'nogerëtscht'.
De brittesche Sprinter Mark Cavendish huet fënnef Etappe gewonnen, an der Lutte ëm de gréngen Trikot gouf hien awer just den Zweeten hanner dem Italieener Alessandro Petacchi.
Beschte Grimpeur gouf de Fransous Anthony Charteau, viru sengem Landsmann Christophe Moreau an dem Andy Schleck.
De wäissen Trikot vum beschte jonke Coureur hat den Andy Schleck zanter der siwenter Etapp an e sollt en, wéi déi zwee Joer virdrun, och net méi hierginn.
De Präis vum Super combatif goung un de Fransous Sylvain Chavanel.
Als beschten Ekipp huet sech d'Team RadioShack erausgestallt.
![](http://upload.wikimedia.org/wikipedia/commons/thumb/9/90/Tour_de_France_2010%2C_stage_9.jpg/200px-Tour_de_France_2010%2C_stage_9.jpg)
Streck
Um Programm stoungen néng Flaachetappen, véier Etappe mat Hiwwelen a sechs Biergetappen, dorënner der dräi mat Biergarrivée.
Ongewéinlech war beim Tour 2010, datt et ausser beim Prolog just nach een Eenzelzäitfuere gouf. En Ekippenzäitfuere war iwwerhaapt net virgesinn.
Haart Kritik un den Organisateure gouf et, well verschidde Strecken och iwwer Pavé gefouert hunn, wou vill Coureure gefall sinn, dorënner och de Fränk Schleck, dee sech dobäi d'Schlësselbeen gebrach huet.
Etappen
Generalklassement
Cyclist | Land | Ekipp | Zäit | ||
---|---|---|---|---|---|
![]() | ![]() | ![]() | an | 91 h 58 min 48 sek | |
Andy Schleck | ![]() | ![]() | + | 39 sek | |
Denis Menschow | ![]() | ![]() | + | 2 min 31 sek | |
Samuel Sánchez | ![]() | ![]() | + | 3 min 40 sek | |
Jurgen Van den Broeck | ![]() | ![]() | + | 6 min 54 sek | |
Robert Gesink | ![]() | ![]() | + | 9 min 31 sek | |
Ryder Hesjedal | ![]() | ![]() | + | 10 min 15 sek | |
Joaquim Rodríguez | ![]() | ![]() | + | 11 min 37 sek | |
Roman Kreuziger | ![]() | ![]() | + | 11 min 54 sek | |
Christopher Horner | ![]() | ![]() | + | 12 min 02 sek | |
Luis León Sánchez | ![]() | ![]() | + | 14 min 21 sek | |
Rubén Plaza | ![]() | ![]() | + | 14 min 29 sek | |
Levi Leipheimer | ![]() | ![]() | + | 14 min 40 sek | |
Andreas Klöden | ![]() | ![]() | + | 16 min 36 sek | |
Nicolas Roche | ![]() | ![]() | + | 16 min 59 sek | |
Alexander Winokurow | ![]() | ![]() | + | 17 min 46 sek | |
Thomas Lövkvist | ![]() | ![]() | + | 20 min 46 sek | |
Kevin De Weert | ![]() | ![]() | + | 21 min 54 sek | |
John Gadret | ![]() | ![]() | + | 24 min 04 sek | |
Carlos Sastre | ![]() | ![]() | + | 26 min 37 sek | |
Daniel Moreno | ![]() | ![]() | + | 29 min 38 sek | |
Christophe Moreau | ![]() | ![]() | + | 34 min 1 sek | |
Lance Armstrong | ![]() | ![]() | + | 39 min 20 sek | |
Bradley Wiggins | ![]() | ![]() | + | 39 min 24 sek | |
Sandy Casar | ![]() | ![]() | + | 45 min 52 sek |
Tour de France |
1903 | 04 | 05 | 06 | 07 | 08 | 09 | 10 | 11 | 12 | 13 | 14 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 2000 | 01 | 02 | 03 | 04 | 05 | 06 | 07 | 08 | 09 | 10 | 11 |12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 |
Um Spaweck
Commons: Tour de France 2010 – Biller, Videoen oder Audiodateien |