Loftfaart

D'Bezeechnung "Loftfaart" gouf am 19. Joerhonnert an Uleenung un d'Séifaart gepräegt. Dat huet sech bis haut doran erhalen, datt fir Loftschëffer d'Verb "fueren" benotzt gëtt. De Begrëff Aeronautik (fr: aéronautique, en: aeronautics) staamt och aus der Zäit vun de Loftschëffer (zum Beispill Ballonen oder Zeppelinen).

Geleeëntlech gëtt d'Wuert Aviation (mat englescher Aussprooch) als Friemwuert am Däitsche benotzt; zum Beispill bezeechent sech d'Lufthansa als „Aviation-Konzern“.^[1]

Et ënnerscheet een zwéi Beräicher resp. Aarte vu Loftfaart:

  Haaptartikel zu dësem Theema: Zivil Loftfaart 

Déi zivil Loftfaart kann een opdeelen an:

• D'geschäftsméisseg Loftfaart mécht de reegelméissegen, ëffentlechen a kommerzielle Loftverkéier resp. Charter- a Geleegenheetsverkéier.
• D'Allgemeng Loftfaart regruppéiert de private Loftsport, kommerziell Geschäftsflich awer och Flich mat spezieller Uweisung, beispillsweis Flich vun der Polizei oder der Loftrettung.

  Haaptartikel zu dësem Theema: Militäresch Loftfaart 

Déi betrëfft all Fluchbetrib mat militäresche Loftgefierer oder fir militäresch Zwecker.

Bei der Loftfaart gëtt ausserdeem no der Aart vum Opdriff an zwou Aarten agedeelt:

• Méi schwéier wéi Loft (dynameschen Opdriff): Fligeren an Helikopteren
• Méi liicht wéi Loft (stateschen Opdriff): Ballonen, Loftschëffer (Zeppelin als de bekanntste Vertrieder)

Donieft gëtt et nach soug. Hybridloftschëffer, déi di zwou Opdriffsaarte benotzen.

Fir d'Koordinatioun an der internationaler Loftfaart goufe vill Ofkommesse gemaach, zum Beispill am Dezember 1944 d'Chicagoer Ofkommes, mat deem d'International Civil Aviation Organization (ICAO) gegrënnt gouf. Als eenheetlecht Alphabet gouf fir d'Loftfaart d'ICAO-Alphabet festgeluecht. Auerzäite gi grondsätzlech an UTC uginn.

D'IATA ass den Daachverband vu weltwäit 250 Fluchgesellschaften, déi ronn 94 % vun allen internationale Flich maachen.

  Haaptartikel zu dësem Theema: Geschicht vun der Loftfaart 

Kuckt och:

• Lëscht vu Fluchaccidenter
• Bekannt Persounen an der Loftfaart

Den Undeel vum Fluchverkéier an de weltwäiten CO₂-Emissioune vum Verkéier war no Ausso vun IPCC am Joer 1999 ongeféier 12 %. Den Undeel un alle globalen CO₂-Emissiounen ass ronn 2,4 %.

Den Undeel vun der Loftfaart am weltwäite vum Mënsch verursaachten Deel beim Zäreneffet ass no der IPCC-Studie vun 1999 zirka 3,5 %.^[2]

• Loftverkéier
• Onbemannt Loftfaart
• Onbemannt Loftgefierer

• Herbert Groß: Luftfahrt-Wissen. Von den Grundlagen bis zur Pilotenlizenz. 2. Auflage. Motorbuch, Stuttgart 2005. ISBN 3-613-02378-4 (Inhaltsangabe).
• Helmuth Trischler, Kai-Uwe Schrogl (Hrsg.): Ein Jahrhundert im Flug. Luft- und Raumfahrtforschung in Deutschland 1907–2007. Campus, Frankfurt am Main u. a. 2007, ISBN 978-3-593-38330-9.
• Niels Klußmann, Arnim Malik: Lexikon der Luftfahrt. Springer, Berlin 2007, ISBN 978-3-540-49095-1.
• (en) Bharat Kumar et al.: An illustrated dictionary of aviation. McGraw-Hill, New York, NY 2005, ISBN 0-07-139606-3
• (en) Ahmed K. Noor: Future aeronautical and space systems. American Institute of Aeronautics & Astronautics, Reston 1997, ISBN 1-56347-188-4.
• E. Charles Vivian: A History of Aeronautics. 1920, ISBN 978-1-4142-1702-4
• (en) (online.

Commons: Loftfaart – Biller, Videoen oder Audiodateien

• Europäische Agentur für Flugsicherheit
• Luftfahrt-Bundesamt
• Eidgenössisches Departement für Umwelt, Verkehr, Energie und Kommunikation: Loftfaart