Hôtel de Paris (Stad Lëtzebuerg)

Den Hôtel de Paris (och Hôtel-Restaurant Paris Palace) war en Hotel an der Stad Lëtzebuerg, deen 1909-1912 op der Paräisser Plaz am Garer Quartier gebaut gouf.

Hôtel de Paris

(2006)
Land	Lëtzebuerg
Gemeng	Lëtzebuerg
Plaz	Garer Quartier
Strooss	Place de Paris
Adress	Nei Avenue / Paräisser Plaz
Koordinaten	49° 36’ 14.4’’ N 6° 07’ 51.8’’ O
Architekt(en)	Joseph Nouveau Léon Muller
Statut	Klasséiert Monument (INPA)
Zweck	Hotel

Architekte waren de Joseph Nouveau an de Léon Muller, gebaut gouf et vun de Bridder Seiler.

Et war e Gebai am neo-klassizistesche Stil, mat Sandsteefassad. An den 1970er Jore wier et bal ganz zerstéiert ginn; d'Fassad gouf awer gerett an nees, mat engem neie Gebai bannendran, an d'Fassong gesat.^[1]

Am Gebai war vun 1980 un eng Bankfilial dran, ier am Joer 2014 en italieenesche Restaurant do seng Dieren opgemaach huet.

Zanter dem 6. Juli 1978 ass d'Gebai op der Lëscht vum Zousazinventaire vun de klasséierte Monumenter agedroen.^[2]