Vanessa tameamea
Vanessa tameamea (Havaiane pulelehua[1] ; Anglice Kamehameha butterfly) est papilio familiae Nymphalidarum, una ex duabus speciebus in Insulis Havaianis endemicae (alia est Udara blackburnii).[2]
![](http://upload.wikimedia.org/wikipedia/commons/thumb/2/21/Kamehamehabutterfly2.jpg/240px-Kamehamehabutterfly2.jpg)
Ordo : Lepidoptera
Familia : Nymphalidae
Subfamilia : Nymphalinae
Genus : Vanessa
Species : V. tameamea
(Eschscholtz, 1821)
Vanessa tameamea Havaianum civitatis insectum anno 2009 factum est.[3]
Latitudo alarum est 50–60 mm.
Larvae foliis plantarum familiae Urticacearum vescuntur,[4] praecipue Pipturi albidi (Havaiane māmaki[5]), atque adeo Urerae spp. (ōpuhe), Boehmeriae grandis (ʻākōlea), Touchardiae latifoliae (olonā), et Neraudiae spp. (maʻoloa).[4] Adulti a Novembri ad Ianuarium volare solent, cum sucum arborum Acaciae koa (Havaiane koa) sorbillant.[6]
Hic papilio ex Domu Kamehameha appellatur. Vox /t/ in Lingua Havaiana est antiquum phonematis hodie /k/ dictum allophonum, praeter verba carminum veterrimorum, ubi sonus priscus saepe conservatur.
Notae
Nexus externi
![]() | Vicimedia Communia plura habent quae ad Vanessam tameameam spectant. |
- "50. Kamehameha Butterfly" in Hawaii Biological Survey’s Good Guys & Bad Guys ex Museo Berenice P. Bishop, apud situm hbs.bishopmuseum.org
- "Hawaii's Butterflies" ex University of Hawaiʻi Insect Museum (University of Hawaiʻi at Mānoa), apud situm ctahr.hawaii.edu