Robinah Nabbanja
Robinah Nabbanja (Kamusenene in vico die 17 Decembris 1969 nata) est politica Ugandae.
In pago Kakumiro regni Bunyoro nata, in oppidis Nkooko et Bukuumo eiusdem regni educata est. Alumna est universitatis Martyrum Ugandensium Nkozi in urbe, ubi administrationi et evolutioni studuit. Praeceptrix ab anno 1993, consiliaria pagi Nkooko ab 1998, commissa (vel praefecta) pagorum Pallisa, Busia, Budaka ab 2001 meruit. Ab anno 2011 legata est parlamento Ugandensi pro circulis femineis Kubaale et Kakumiro. Ministra vicaria (minister of state) a valetudine die 14 Decembris 2019 facta est, ministra principali Ioanna Aceng. Denuo die 21 Iunii 2021 prima ministra creata est, praeside Yoweri Museveni.
Bibliographia
- "Who is Robinah Nabbanja, the Prime Minister appointee?" in PML Daily (9 Iunii 2021); idem fere textus apud regimen Ugandense
 | |
Benedictus Kiwanuka 1961 • Milton Obote 1962 • Vacat 1966–1980 • Otema Allimadi 1980 • Paulus Muwanga 1985 • Abraham Waligo 1985 • Samson Kisekka 1986 • Georgius Cosmas Adyebo 1991 • Kintu Musoke 1994 • Apollo Nsibambi 1999 • Amama Mbabazi 2011 • Ruhakana Rugunda 2014 • Robinah Nabbanja 2021 Capsae cognatae: Praesides Ugandae • Ministri rerum externarum Ugandenses | |