Mia Mottley
Mia Amor Mottley (die 1 Octobris 1965 nata) est iuris consulta et politica Barbatae.
![Mia Mottley: imago](http://upload.wikimedia.org/wikipedia/commons/thumb/e/e0/2019_Mia_Mottley_%28cropped%29.jpg/150px-2019_Mia_Mottley_%28cropped%29.jpg)
Proles familiae politicorum, patre Elliott Mottley qui Novi Eboraci in urbe consul generalis Barbatensis degebat, Mia Mottley in eadem urbe scholam Nationum Unitarum, deinde Pontipoli collegium Reginae frequentavit. Alumna est scholae scientiarum oeconomicarum Londiniensis. Senator iam ab anno 1991, legata est parlamento Barbatensi a die 6 Septembris 1994. Ab eodem mense ministra ab eruditione et cultura facta est, primo ministro Owen Arthur. Ministra rerum internarum a mense Augusto 2001, ministra ab oeconomia a Februario 2006 usque in Ianuario 2008 meruit. Prima ministra facta est die 25 Maii 2018.
Bibliographia
- "Mottley replaces Arthur as opposition leader in Barbados" in Caribbean 360 (26 Februarii 2013)
- Tony Best, "Mia's rich political heritage" in Nation News (23 Ianuarii 2008)
Nexus externi
- "Mia Amor Mottley" apud Caribbean Elections
Grantley Herbertus Adams • Hugo Gordon Cummins • Errol Barrow • Thomas Adams • Haroldus Bernardus St. John • Errol Barrow • Lloyd Erskine Sandiford • Owen Arthur • David Thompson • Freundel Stuart • Mia Mottley Capsae cognatae: Ministri rerum externarum Barbadenses | |