Huardus Zinn

Huardus,^[1] vulgo Howard Zinn (Bruclini in urbe Neoeboracensi natus die 24 Augusti 1922; Sanctae Monicae Californiae mortuus die 27 Ianuarii 2010^[2]) fuit rerum gestarum scriptor, scriptor scaenicus, philosophus, socialista, cogitator, et veteranus secundi belli mundani Americanus. Ordini historiae et scientiarum socialium in Collegio Spelman praefuit,^[3] et professor scientiae civilis in Universitate Bostoniensi docuit. Plus quam viginti libros protulit, insigniter inter quos A People's History of the United States anno 1980; annoque 2007, A Young People's History of the United States, librum lectoribus puerilibus dicatum, conscripsit.^[4]

Zinn se descripsit "aliquantum anarchistae, aliquantum socialistae. Fortasse socialista democratica."^[5]^[6]^[7] De motu iurum civilium, motu pacis, et historia operariorum in Civitatibus Foederatis penitus scripsit. You Can't Be Neutral on a Moving Train autobiographiam anno 2002 divulgavit. Infarctu cordis anno 2010 mortuus est, anno octogensimo septimo aetatis suae.^[8]

Bibliographia

Duberman, Martin. 2012. Howard Zinn: A Life on the Left. Novi Eboraci: New Press, a Perseus Distribution distributus. ISBN 9781595586780.
Ellis, Deb, et Dennis Mueller. 2004. Howard Zinn: You Can't Be Neutral on a Moving Train. Pellicula documentaria.
Greenberg, David. 2013. "Agit-Prof: Howard Zinn's influential mutilations of American history." The New Republic, 19 Martii 2013.
Joyce, Davis D. 2003. Howard Zinn: A Radical American Vision. Foreword a Noam Chomsky scriptum. Amherstiae Novi Eboraci: Prometheus Books. ISBN 1591021316.
Lynd, Staughton. 2014. Doing History from the Bottom Up: On E. P. Thompson, Howard Zinn, and Rebuilding the Labor Movement from Below. Sicagi: Haymarket Books.
Zinn, Howard. 2002. You can't be neutral on a moving train: a personal history of our times. Bostoniae: Beacon Press. ISBN 0807071277.

Vicimedia Communia plura habent quae ad Howardum Zinn spectant.

Lexica biographica: • Gran Enciclopèdia Catalana • Deutsche Biographie