Elementa (Euclides)
Elementa (Graece Στοιχεῖα) sunt principiorum geometriae enarratio, Euclidis Alexandrini[1] opus magnum, quod per saecula scientiae geometricae fons primus et principalis fuit et nunc ad geometriam Euclideam dictam ediscendam is manet. Fine saeculo IV a.C.n. aut initio saeculo III Elementa composita sunt.
Opera huius generis, ante Euclidem composita, quorum notissimum Hippocratis Chii liber fuerat, perdita sunt; absunt et commentaria Graeca antiqua Pappi Alexandrini et Theonis Alexandrini; Procli Diadochi commentaria servantur.
In tredecim libros Elementa divisa sunt, sed saepe iis etiam duo libri de polyhedris regularibus adduntur (liber XIV ab Hypsicle Alexandrino et liber XV a discipulis Isidori Milesii compositus est).
Petrus Ramus, Federicus Commandinus, Christophorus Clavius, Henricus Savilius(en) commentaria Latina ad Elementa composuerunt.
Notae
Nexus externi
- Elementorum editio Latina, facta et annotata a Francisco Flussate Candalla(fr), Parisiis 1566
- Elementorum versionis Latinae a Federico Commandino factae editio Londiniensis, 1747
- Elementa Graece, pars I, libri I-IX (ab Ernesto Ferdinando August(de), Berolini 1826)
- idem, pars II (1829)