A flumine ad mare

A flumine ad mare (Arabiceمن النهر إلى البحر min an-nahr ʾilā l-baḥr; Palaestiniane من المية للمية min il-ṃayye la-l-ṃayye, ad verbum 'ab aqua ad aquam'^[1][2]) est locutio politica, quae ad aream geographicam inter Flumen Iordanem et Mare Mediterraneum spectat, ad regionem Palaestinam descriptam,^[3] quae hodie Israëlem et terras Palaestinianas^(en) ab Israele occupatas comprehendit, inter quas Cisiordania, Hierosolyma Orientalia^(en), et Gaza numerantur.^[4][5]

Haec locutio Palaestinis gratissima annis 1960 facta est, qui libertatem^(en) a dominatu Israelis, Iordaniae, Aegyptique petebant, cum duces Ordinis Palaestinae Liberandae civitatem Arabicam postularent, omnem Palaestinam Mandatoriam^(en) comprehendituram, quae solum Palaestinos et proles^(en) Iudaeorum qui Palaestinam ante 1947 habitaverant amplecti primum dicebatur, sed haec descriptio deinde retracta est ut solum proles Iudaeorum comprehenderet qui Palaestinam ante Primam Migrationem^(en) (primum aliyah appellatum, anno 1881) habitaverant.^[6]

Multi agitatores recentiores haec verba "postulationem pacis et aequalitatis^(en)" appellaverunt post decennia cum Israel in Palaestinos dominaretur.^[7] Hamas, Islamistica civium ad hostes propulsandos factio, haec verba in eius diplomate anni 2017^(en) adhibuit. Propter quem usum, a talibus gregibus militantibus magno cum clamore prolatum, certi homines dictitant hanc locutionem postulare Israelem dissolvendam Iudaeosque regionis purgandos^(en) vel etiam omnino trucidandos esse.^[8][7]

Haec verba praeterea a politics Israeliticis adhibita sunt. Suffragatorium factionis Likud edictum anno 1977 ait: "Inter mare et Iordanem solum erit dominatus Israeliticus."^{[9][10][11][12]}