Katherine Maher
Katherine Roberts Maher, (jdb. 18ê nîsana 1983an; Wilton, Connecticut, DYA) rêveberê giştî ya Weqfa Wîkîmediyayê ye. Katherine Maher di hezîrana 2016an dest bi karê xwe ya Weqfa Wîkîmediyayê kirîye.[1] Maher di teknolojiyên înformatîk û ragihandinê de pispor e. Di projeyên bi armanca xurtkirina mafên mirovan û pêşxistina navneteweyî de jî cih digire û di navbera salên 2007 û 2010an de di UNICEF'ê de li ser mijarên nûbûn û ragihandinê xebitî ye.
Katherine Maher | |
|---|---|
.jpg) | |
| Navê rastî | Katherine Roberts Maher |
| Jidayikbûn | 18ê nîsana 1983an (41 salî) Wilton, Connecticut, DYA |
| Esil | Amerîkî |
| Perwerde | Zanîngeha New Yorkê |
| Salên çalak | 2005–niha |
| Paşê | Rêveberê Weqfa Wîkîmedyayê ya giştî |
| Jêrenot | |
biguhêre | |
Jînenîgarî
Maher li Wilton, Connecticut mezin bû û perwerdeya xwe ya navîn di dibistana navîn a Wiltonê de xwend.[2] Katherine Maher pişt dibistana navîn di sala 2003an de li Qahîreyê ji Enstîtuya Zimanê Erebî ya Zanîngeha Amerîkayê mezûn bû. Meher wiha anî ziman; "Ev jibo min bû ezmûneke avaker ku heskirinekî kûr ji Rojhilata Navîn re vedihewîne".[3]
Piştre Maher, li Sûriyê di Enstîtuya Zimanê Erebî ya Fransî Institut français d'études arabes de xwend û dema xwe li Libnan û Tûnisê derbas kir.[4][5] Di sala 2005an de Maher ji Zanîngeha New Yorkê lîsansa Lêkolînên Rojhilata Navîn û Îslamê wergirt.[6]
Maher di demên pêşî de difikirî ku wê bibe akademîsyen û ji bo mafên mirovan û rêxistinên pêşvebirinê yên navneteweyî de bixebite.[7]
Kariyera wê
Piştî navbeynkariyên li Konseya Têkiliyên Derve û Koma Eurasia, di sala 2005an de Maher di çarçoveya bernameya xwe ya pêşvebirina rêveberiya navneteweyî de ya HSBC'ê yê, li London, Almanya û Kanadayê dest bi kar kir.[8]
Maher di sala 2007an de vegeriya Bajarê New Yorkê û ji sala 2007an heta 2010an di UNICEF'ê de wek karmendê nûbûn û ragihandinê xebitî.[9] Maher jibo pêşxistina jiyana mirovan ji bo bikaranîna teknolojiyê xebitî û bi berfirehî rêwîtî kir, ku li ser mijarên têkildarî tenduristiya dayîkan, pêşîlêgirtina nexweşî yên HIV/AIDS û beşdarbûna ciwanan ên teknolojiyê teşwîq bike. Yek ji projeyên wê yên pêşîn li UNICEF tevlî ceribandina dirêjkirinên MediaWiki yên têkildarî gihanê li Etiyopyayê bû. Projeyeke din pêşkeftina USAid 2.0 ji bo ku li ser karanîna telefonên mobîl bixebite da ku çavdêriya xwarinê di zarokên malawî de bike.[10]
Maher di salên 2010 û 2011an de di Enstîtuya Neteweyî ya Demokratîk de wek Karmendê Bernameya ICT xebitî, di warê teknolojiya înformatîk û ragihandinê (ICT) de dixebite.[11]Maher ji sala 2011an heta 2013an li Banke ya Cîhanê wek pisporê nûbûnê yê ICT xebitî ye û ji bo pêşketina navneteweyî û demokratîkbûnê li ser teknolojiyê şêwirî kiriye, ji bo hesabpirsîn û rêvebirinê li ser ICT dixebite û bi baldariyek li ser rola telefonên mobîl û teknolojiyên din di hêsankirina civaka sivîl û reforma saziyî de, bi taybetî li Rojhilata Navîn û Afrîkayê.[12] Wê di beşa "Making Government Mobile" ya weşaneke Banka Cîhanê de bi navê Agahdarî û Ragihandinê ji bo Pêşveçûna 2012: Maximizing Mobilê hate weşandin.[13] Di sala 2012an de di twittera Maher de twettên li ser mijarên têkildarî Rojhilata Navîn ji ber ku di Bihara Ereban de bal kişand.[14]
Maher ji sala 2013an heta 2014an li Washington, D.C.based Access Now rêveberê alîgiriyê bû.[15] Di çarçoveya vê xebatê de li ser bandora qanûnan a li ser ewlehiya sîber, exlaq û heqareta dewletê ya ku sansura dewletê zêde dike û nelirêtiyê kêm dike Access îmzekerê Deklerasyona Azadiya Înternetê bû.[16]