ಮಣಿ

ಮಣಿಯು ನಾನಾಬಗೆಯ ಆಕಾರಗಳು ಮತ್ತು ಗಾತ್ರದಲ್ಲಿ ರೂಪಿಸಲಾದ ಚಿಕ್ಕ, ಅಲಂಕಾರಿಕ ವಸ್ತು. ಇವುಗಳನ್ನು ಕಲ್ಲು, ಮೂಳೆ, ಚಿಪ್ಪು, ಗಾಜು, ಪ್ಲಾಸ್ಟಿಕ್, ಕಟ್ಟಿಗೆ ಅಥವಾ ಮುತ್ತಿನಂತಹ ವಸ್ತುವಿನಿಂದ ರೂಪಿಸಲಾಗುತ್ತದೆ ಮತ್ತು ಇವುಗಳನ್ನು ದಾರದಲ್ಲಿ ಪೋಣಿಸಲು ಸಣ್ಣ ರಂಧ್ರವನ್ನು ಮಾಡಿರುತ್ತರೆ. ಮಣಿಗಳು ಗಾತ್ರದಲ್ಲಿ ೧ ಮಿಲಿಮೀಟರ್‌ಗಿಂತ ಚಿಕ್ಕ ಗಾತ್ರದಿಂದ ಹಿಡಿದು ೧ ಸೆಂಟಿಮೀಟರ್‌ಗಿಂತ ಹೆಚ್ಚಿನ ವ್ಯಾಸದವರೆಗೆ ವ್ಯಾಪಿಸುತ್ತವೆ. ಸರಿಸುಮಾರು ೧೦೦,೦೦೦ ವರ್ಷಗಳಷ್ಟು ಹಳೆಯದಾದ ನಾಸಾರಿಯಸ್ ಕಡಲ ಬಸವನ ಹುಳು ಚಿಪ್ಪುಗಳಿಂದ ತಯಾರಿಸಲಾದ ಜೋಡಿಮಣಿಗಳು ಪರಿಚಿತವಾದ ಆಭರಣಗಳ ಅತ್ಯಂತ ಮುಂಚಿನ ಉದಾಹರಣೆಗಳೆಂದು ಭಾವಿಸಲಾಗಿದೆ.^[೧][೨] ಮಣಿಗೆಲಸವು ಮಣಿಗಳಿಂದ ವಸ್ತುಗಳನ್ನು ತಯಾರಿಸುವ ಕಲೆ ಅಥವಾ ಕೌಶಲವಾಗಿದೆ. ಮಣಿಗಳನ್ನು ವಿಶೇಷೀಕೃತ ದಾರದಿಂದ ಒಟ್ಟಾಗಿ ಹೆಣೆಯಬಹುದು, ದಾರ ಅಥವಾ ಮೃದು, ಮೆತುವಾದ ತಂತಿಯಲ್ಲಿ ಪೋಣಿಸಬಹುದು, ಅಥವಾ ಒಂದು ಮೇಲ್ಮೈಗೆ (ಉದಾ. ಬಟ್ಟೆ, ಜೇಡಿಮಣ್ಣು) ಅಂಟಿಸಬಹುದು.