ಫಿಜಾ | |
---|---|
ಚಿತ್ರ:Fiza poster.jpg Poster | |
ನಿರ್ದೇಶನ | ಖಾಲಿದ್ ಮೊಹಮ್ಮದ್ |
ನಿರ್ಮಾಪಕ | ಪ್ರದೀಪ್ ಗುಹಾ |
ಲೇಖಕ | ಖಾಲಿದ್ ಮೊಹಮ್ಮದ್ ಜಾವೇದ್ ಸಿದ್ದಿಕಿ |
ಸಂಭಾಷಣೆ | ಕರಿಷ್ಮಾ ಕಪೂರ್ |
ಪಾತ್ರವರ್ಗ | ಕರಿಷ್ಮಾ ಕಪೂರ್ ಜಯಾ ಬಚ್ಚನ್ ಹೃತಿಕ್ ರೋಷನ್ |
ಸಂಗೀತ | ಹಾಡುಗಳು: ಅನು ಮಲಿಕ್ ಅತಿಥಿ ಸಂಯೋಜಕರು: ಎ.ಆರ್. ರೆಹಮಾನ್ ರಂಜಿತ್ ಬರೋಟ್ ಸ್ಕೋರ್: ರಂಜಿತ್ ಬರೋಟ್ |
ಛಾಯಾಗ್ರಹಣ | ಸಂತೋಷ್ ಶಿವನ್ |
ಸಂಕಲನ | ಎ. ಶ್ರೀಕರ್ ಪ್ರಸಾದ್ |
ಸ್ಟುಡಿಯೋ | ಸಂಸ್ಕೃತಿ ಕಂಪನಿ |
ವಿತರಕರು | UTV ಮೋಷನ್ ಪಿಕ್ಚರ್ಸ್ |
ಬಿಡುಗಡೆಯಾಗಿದ್ದು |
|
ಅವಧಿ | 171 ನಿಮಿಷಗಳು |
ದೇಶ | ಭಾರತ |
ಭಾಷೆ | ಹಿಂದಿ |
ಬಂಡವಾಳ | ₹೫೫ ಮಿಲಿಯನ್[೧] |
ಬಾಕ್ಸ್ ಆಫೀಸ್ | ₹೩೨೨ ಮಿಲಿಯನ್[೧] |
ಫಿಜಾ ಇನ್ ಸರ್ಚ್ ಆಫ್ ಹರ್ ಬ್ರದರ್ ಎಂದೂ ಕರೆಯಲಾಗುವ ಫಿಜಾ, ಖಾಲಿದ್ ಮೊಹಮ್ಮದ್ ಬರೆದು ನಿರ್ದೇಶಿಸಿದ 2000ನೇ ಇಸವಿಯ ಭಾರತೀಯ ಹಿಂದಿ ಭಾಷೆಯ ಕ್ರೈಮ್ ಥ್ರಿಲ್ಲರ್ ಚಲನಚಿತ್ರವಾಗಿದೆ. [೨][೩] ಈ ಚಿತ್ರದಲ್ಲಿ ಕರಿಷ್ಮಾ ಕಪೂರ್ ನಾಯಕಿಯಾಗಿ ನಟಿಸಿದ್ದಾರೆ, [೪] ಜೊತೆಗೆ ಹೃತಿಕ್ ರೋಷನ್ ಆಕೆಯ ಭಯೋತ್ಪಾದಕ ಸಹೋದರನಾಗಿ ಮತ್ತು ಜಯಾ ಬಚ್ಚನ್ ಅವರ ತಾಯಿಯಾಗಿ ನಟಿಸಿದ್ದಾರೆ. ಈ ಚಿತ್ರವನ್ನು ಪ್ರದೀಪ್ ಗುಹಾ ಅವರು ₹55 ದಶಲಕ್ಷ ವೆಚ್ಚದಲ್ಲಿ ನಿರ್ಮಿಸಿದ್ದರು ಮತ್ತು 8 ಸೆಪ್ಟೆಂಬರ್ 2000 ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು.
[೫] ಸಿನೆಮಾ ಬಿಡುಗಡೆಯಾದ ನ೦ತರ, ಫಿಜಾ ತನ್ನ ಕಥಾಹಂದರ ಮತ್ತು ಧ್ವನಿಪಥದೊಂದಿಗೆ ಸಕಾರಾತ್ಮಕ ವಿಮರ್ಶೆಗಳನ್ನು ಪಡೆಯಿತು, ಜೊತೆಗೆ ಪಾತ್ರವರ್ಗದ ಅಭಿನಯಗಳು ಪ್ರಶಂಸೆಯನ್ನು ಗಳಿಸಿದವು. [೬][೧] ಯಶಸ್ವಿಯಾದ ಈ ಚಿತ್ರವು ವಿಶ್ವಾದ್ಯಂತ ₹32 ಮಿಲಿಯನ್ (US $7.17 ಮಿಲಿಯನ್) ಗಳಿಸಿತು. 46ನೇ ಫಿಲ್ಮ್ಫೇರ್ ಪ್ರಶಸ್ತಿಗಳಲ್ಲಿ ಫಿಜಾ ಏಳು ನಾಮನಿರ್ದೇಶನಗಳನ್ನು ಪಡೆದರು ಮತ್ತು ಕರೀನಾ ಕಪೂರ್ ಗೆ ಅತ್ಯುತ್ತಮ ನಟಿ ಮತ್ತು ಜಯ ಬಚ್ಚನ್ ಗೆಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿ ದೊರೆಯಿತು.
ಫಿಜಾ (ಕರಿಷ್ಮಾ ಕಪೂರ್) ಅವರ ಸಹೋದರ, ಅಮನ್ (ಹೃತಿಕ್ ರೋಷನ್) 1993ರ ಬಾಂಬೆ ಗಲಭೆಯ ಸಮಯದಲ್ಲಿ ಕಣ್ಮರೆಯಾಗುತ್ತಾರೆ. ಫಿಜಾ ಮತ್ತು ಆಕೆಯ ತಾಯಿ ನಿಶಾತ್ಬಿ (ಜಯಾ ಬಚ್ಚನ್) ಅವರು ಒಂದು ದಿನ ಆತ ಖ೦ಡಿತಾವಾಗಿಯೂ ಮರಳುತ್ತಾನೆ ಎಂಬ ಭರವಸೆಯೊ೦ದಿಗೆ ಕಾಯುತ್ತಾ ಇರುತ್ತಾರೆ. ಆತ ಕಣ್ಮರೆಯಾದ ಆರು ವರ್ಷಗಳ ನಂತರ, 1999ರಲ್ಲಿ, ಅನಿಶ್ಚಿತತೆಯಿಂದ ಬೇಸತ್ತು, ಅಕ್ಕ ಫ಼ಿಜ಼ಾ ತನ್ನ ಸಹೋದರನನ್ನು ಹುಡುಕಲು ನಿರ್ಧರಿಸುತ್ತಾಳೆ. ಫಿಜಾ ತನ್ನ ಸಹೋದರನನ್ನು ಹುಡುಕಲು ತನಗೆ ಸಾಧ್ಯವಾದಷ್ಟು-ಕಾನೂನು, ಮಾಧ್ಯಮ ಮತ್ತು ರಾಜಕಾರಣಿಗಳನ್ನು ಬಳಸಲು ನಿರ್ಧರಿಸುತ್ತಾಳೆ, ಇದು ಅವಳನ್ನು ವಿವಿಧ ಪಾತ್ರಗಳೊದಿಗೆ ಮತ್ತು ಸನ್ನಿವೇಶಗಳೊಂದಿಗೆ ಸಂಪರ್ಕಕ್ಕೆ ಬರುವ೦ತೆ ಮಾಡುತ್ತದೆ.
ಅವಳು ಅವನನ್ನು ಕಂಡುಕೊಂಡಾಗ, ಅವನು ಭಯೋತ್ಪಾದಕ ಗುಂಪನ್ನು ಸೇರಿರುವುದನ್ನು ಅವಳು ಅರಿತುಕೊಳ್ಳುತ್ತಾಳೆ. ಅವಳು ಅವನನ್ನು ಮನೆಗೆ ಬರಲು ಒತ್ತಾಯಿಸುತ್ತಾಳೆ. ಅಂತಿಮವಾಗಿ ಅವನು ಅವರ ತಾಯಿಯೊಂದಿಗೆ ಮತ್ತೆ ಸೇರುತ್ತಾನೆ. ಆದರೆ, ಆತನ ನಿಷ್ಠೆ ಮತ್ತು ಆಲೋಚನೆಗಳು ಆತ ಮುರಾದ್ ಖಾನ್ (ಮನೋಜ್ ಬಾಜ್ಪೇಯಿ) ನೇತೃತ್ವದ ಭಯೋತ್ಪಾದಕ ಜಾಲಕ್ಕೆ ಮರಳಲು ಬಯಸುವಂತೆ ಮಾಡುತ್ತವೆ. ಫಿಜಾಳಿಗೆ ಕಿರುಕುಳ ನೀಡುವ ಇಬ್ಬರು ವ್ಯಕ್ತಿಗಳೊಂದಿಗಿನ ಮುಖಾಮುಖಿಯು ಅಮಾನ್ ನನ್ನು ಭಯೋತ್ಪಾದಕ ಜಾಲದೊಂದಿಗೆ ತನ್ನ ಸಂಬಂಧವನ್ನು ತನ್ನ ಸಹೋದರಿ, ತಾಯಿ ಮತ್ತು ಪೊಲೀಸರಿಗೆ ಬಹಿರಂಗಪಡಿಸಲು ಪ್ರೇರೇಪಿಸುತ್ತದೆ. ಅವನ ತಾಯಿಯ ದುಃಖ ಮತ್ತು ನಿರಾಶೆಯು ಅಂತಿಮವಾಗಿ ಆಕೆಯನ್ನು ಆತ್ಮಹತ್ಯೆಗೆ ಪ್ರೇರೇಪಿಸುತ್ತದೆ.
ಅನಿರುದ್ಧ್ ರಾಯ್ (ಬಿಕ್ರಮ್ ಸಲುಜಾ) ಸಹಾಯದಿಂದ ಫಿಜಾ ತನ್ನ ಸಹೋದರನನ್ನು ಹುಡುಕಲು ಮತ್ತೊಮ್ಮೆ ಪ್ರಯತ್ನಿಸುತ್ತಾಳೆ.
ಇಬ್ಬರು ಪ್ರಬಲ ರಾಜಕಾರಣಿಗಳನ್ನು ಕೊಲ್ಲುವ ಉದ್ದೇಶದಿಂದ ಅಮನ್ ಅವರನ್ನು ಕಳುಹಿಸಲಾಗುತ್ತದೆ, ಅವರನ್ನು ಕೊಲ್ಲುವಲ್ಲಿ ಯಶಸ್ವಿಯಾದಾಗ, ಅವನ ಸ್ವಂತ ಭಯೋತ್ಪಾದಕ ಗುಂಪು ಅವನನ್ನು ಕೊಲ್ಲಲು ಪ್ರಯತ್ನಿಸುತ್ತದೆ. ಅವನು ತಪ್ಪಿಸಿಕೊಳ್ಳುತ್ತಾನೆ ಮತ್ತು ಫಿಜಾ ಅವನನ್ನು ಹಿಂಬಾಲಿಸುತ್ತಾಳೆ. ಅವರು ಪರಸ್ಪರ ಮುಖಾಮುಖಿಯಾಗುತ್ತಾರೆ, ಮತ್ತು ಪೊಲೀಸರು ಆತನನ್ನು ಬಂಧಿಸಿದಾಗ, ಅಮನ್ ತನ್ನನ್ನು ಕೊಲ್ಲುವಂತೆ ಫಿಜಾವನ್ನು ಕೇಳುತ್ತಾನೆ. ಅವನಿಗೆ ಗೌರವಾನ್ವಿತ ಅಂತ್ಯವನ್ನು ನೀಡುವ ಕೊನೆಯ ಉಪಾಯವಾಗಿ, ಫಿಜಾ ತನ್ನ ಸಹೋದರನನ್ನು ಕೊಲ್ಲುತ್ತಾಳೆ.
ಖಾಲಿದ್ ಮೊಹಮ್ಮದ್ ಅವರು ಮೂಲತಃ ರಾಮ್ ಗೋಪಾಲ್ ವರ್ಮಾ ಅವರು ಸ್ಕ್ರಿಪ್ಟ್ ಮುಗಿಸಿದಾಗ ಈ ಚಿತ್ರವನ್ನು ನಿರ್ದೇಶಿಸಬೇಕೆಂದು ಬಯಸಿದ್ದರು ಮತ್ತು ಫಿಜಾ ಅವರ ಪ್ರಮುಖ ಪಾತ್ರಕ್ಕಾಗಿ ಊರ್ಮಿಳಾ ಮಾತೋಂಡ್ಕರ್ ಅವರನ್ನು ಮನಸ್ಸಿನಲ್ಲಿಟ್ಟುಕೊಂಡಿದ್ದರು, ಅದನ್ನು ಅಂತಿಮವಾಗಿ ಕರೀನಾ ಕಪೂರ್ ಗೆ ನಿರ್ವಹಿಸಿದರು. ಈ ಚಿತ್ರದಲ್ಲಿ ಕರೀನಾ ಕಪೂರ್ ಅವರು ಹ್ರುತಿಕ್ ರೊಶನ್ ಅವರ ಅಕ್ಕನ ಪಾತ್ರವನ್ನು ನಿರ್ವಹಿಸಿದ್ದರೂ, ನಿಜ ಜೀವನದಲ್ಲಿ ಆತ ಅವರಿಗಿಂತ 5 ತಿಂಗಳು ದೊಡ್ಡವನು. ಮೂಲತಃ, ರೋಷನ್ ನಿರ್ವಹಿಸಿದ ಪಾತ್ರವು ಚಿಕ್ಕದಾಗಿರಬೇಕಿತ್ತು. ಆದರೆ ಅವರ ಚೊಚ್ಚಲ ಚಿತ್ರ ಕಹೋಕಹೋ ನಾ ಪ್ಯಾರ್ ಹೈ (2000) ಚಿತ್ರದ ನಂತರ ರಾತ್ರೋರಾತ್ರಿ ಬ್ಲಾಕ್ಬಸ್ಟರ್ ಆಗಿತ್ತು, ಮೊಹಮ್ಮದ್ ಗಾಬರಿಗೊಂಡರು. ರೋಷನ್ ಅವರ ಕಾರಣದಿಂದ ಹೆಚ್ಚಿನ ನಿರೀಕ್ಷೆಗಳಿವೆ ಎಂದು ಅವರಿಗೆ ತಿಳಿದಿತ್ತು, ಆದ್ದರಿಂದ ಅವರು ತಮ್ಮ ಪಾತ್ರದ ಉದ್ದವನ್ನು ಹೆಚ್ಚಿಸಿದರು. ಅವರ ವ್ಯಾಯಾಮದಂತಹ ಅನೇಕ ದೃಶ್ಯಗಳು ಮತ್ತು ಹೆಚ್ಚುವರಿ ಹಾಡನ್ನು ರೋಷನ್ ಅವರ ಹೊಸ ಸೂಪರ್ಸ್ಟಾರ್ ಸ್ಥಾನಮಾನಕ್ಕೆ ಸರಿಹೊಂದುವಂತೆ ಸೇರಿಸಲಾಗಿತ್ತು. ಜೊತೆಗೆ, ಈ ಚಲನಚಿತ್ರವನ್ನು ಕಲಾತ್ಮಕ ಚಲನಚಿತ್ರವನ್ನಾಗಿ ಮಾಡಲು ನಿರ್ಧರಿಸಲಾಗಿತ್ತು. ಆದರೆ ವಿತರಕರ ಒತ್ತಡದಿಂದಾಗಿ ಮೊಹಮ್ಮದ್ ಈ ಚಿತ್ರವನ್ನು ವಾಣಿಜ್ಯೀಕರಿಸಲು ನಿರ್ಧರಿಸಿದರು. ಜಾನಿ ಲಿವರ್ ಅವರೊಂದಿಗಿನ ಪಾರ್ಕ್ ದೃಶ್ಯದ ಜೊತೆಗೆ ಕಪೂರ್ ಗೆ ನ್ರ ತ್ಯ ದ ಹಾಡನ್ನು ಸೇರಿಸಲಾಗಿತು.
ಈ ಚಿತ್ರವು ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆಯಿತು ಮತ್ತು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಸಾಧನೆ ಮಾಡಿತು. [೭] [೮] ವಿಮರ್ಶಕರು ಮುಖ್ಯ ಅಭಿನಯವನ್ನು ಶ್ಲಾಘಿಸಿದರು. ವಿಶೇಷವಾಗಿ ಕಪೂರ್ ಅವರು ಭ್ರಮನಿರಸನಗೊಂಡ ಸಹೋದರಿಯಾಗಿ ಅಭಿನಯಿಸಿದ್ದಕ್ಕಾಗಿ ಮೆಚ್ಚುಗೆ ಪಡೆದರು. [೯] [೧೦] [೧೧]
ಹಿಂದೂಸ್ತಾನ್ ಟೈಮ್ಸ್ ವಿನಾಯಕ್ ಚಕ್ರವರ್ತಿ ಈ ಚಿತ್ರಕ್ಕೆ 5ರಲ್ಲಿ 4 ನಕ್ಷತ್ರಗಳನ್ನು ನೀಡಿ, "'ಫಿಜಾ' ಚಲನಚಿತ್ರ ನಿರ್ಮಾಣದಲ್ಲಿ ಮೊಹಮ್ಮದ್ ಅವರ ಪ್ರಯತ್ನಕ್ಕಿಂತ ಹೆಚ್ಚಾಗಿದೆ ಮೂಡಿಬ೦ದಿದೆ. ಇದು ಕಪೂರ್ ಅವರ ನಟನೆಯನ್ನು ಒ೦ದು ಬಿಂದುವಿನಿ೦ದ ಸಾಬೀತುಪಡಿಸುವ ಅಗತ್ಯ ಇಲ್ಲ ಮತ್ತು ರೋಷನ್ ಅವರು ಪ್ರಭಾವ ಬೀರಲು ಗರಿಷ್ಠ ತುಣುಕು ಅಥವಾ ಗ್ಲಿಟ್ಜ್ ನ ಅಗತ್ಯವಿಲ್ಲ. ಇದು ಬಚ್ಚನ್ ವಿರಾಮದ ನಂತರ ಹಿಂದಿರುಗಿ ಸಂತೋಷ ಪಟ್ಟ೦ತಹ ಸಿನೆಮಾ. [೧೨]
ದಿ ಇಂಡಿಯನ್ ಎಕ್ಸ್ಪ್ರೆಸ್ ಮಿಮ್ಮಿ ಜೈನ್ ಸಕಾರಾತ್ಮಕ ವಿಮರ್ಶೆಯಲ್ಲಿ, "ಫಿಝಾ ಪ್ರತಿಯೊಬ್ಬ ವಿಮರ್ಶಕರು ಎಂದಿಗೂ ಪ್ರಾರ್ಥಿಸದಂತಹ ಚಲನಚಿತ್ರವಾಗಿದೆ. ಎಕೆ೦ದರೆ ವಿಮರ್ಶಕರ ಕೆಲಸವು, ಎಲ್ಲಾ ಸಿನೆಮಾದ ಪ್ರದರ್ಶನದ ನ೦ತರ ಟೀಕಿಸುವುದು ಆದರೆ ಫಿಜಾ ಅ೦ತಹ ಟೀಕೆಗಳಿಗೆ ಕಡಿಮೆ ಅವಕಾಶವನ್ನು ನೀಡುತ್ತದೆ". ಕಪೂರ್ ಅವರು "ಅದ್ಭುತವಾದ ದೋಷರಹಿತ ಅಭಿನಯ" ವನ್ನು ನೀಡಿದ್ದಾರೆ ಎಂದು ಅವರು ಒತ್ತಿ ಹೆಳಿದ್ದಾರೆ. [೧೩] [೧೪]
ದಿ ಟ್ರಿಬ್ಯೂನ್ ಸಂಜೀವ್ ಬರಿಯಾನ ಈ ಚಲನಚಿತ್ರವನ್ನು "ಸರಾಸರಿಗಿಂತ ಸ್ವಲ್ಪ ಹೆಚ್ಚು" ಎಂದು ಹೆಸರಿಸಿದರು, ಆದರೆ ಅಭಿನಯದ ಬಗ್ಗೆ ಹೆಚ್ಚು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. [೧೫]
ಫಿಲ್ಮ್ಫೇ ಪರದೆ ಸುಮನ್ ತರಫ್ದಾರ್ ಈ ಚಿತ್ರದ ಬಗ್ಗೆ ಮತ್ತು ಕಪೂರ್ ಅವರ ನಟನೆಯನ್ನು ಸಕಾರಾತ್ಮಕ ವಿಮರ್ಶೆ ನೀಡಿದ್ದರು, [೧೬] ಮತ್ತು ಸ್ಕ್ರೀನ್ನ ಛಾಯಾ ಉನ್ನಿಕೃಷ್ಣನ್ ಅಭಿನಯವನ್ನು ಶ್ಲಾಘಿಸಿದರು ಮತ್ತು ಫಿಜಾ "ನಿರೀಕ್ಷೆಗಳಿಗೆ ತಕ್ಕಂತೆ ಬದುಕುತ್ತದೆ" ಎಂದು ತೀರ್ಮಾನಿಸಿದರು. [೧೭]ಪರದೆ ನಿಯತಕಾಲಿಕೆಯ ವಿಮರ್ಶಕ ಛಾಯಾ ಉನ್ನಿಕೃಷ್ಣನ್, ಚಿತ್ರದ ದ್ವಿತೀಯಾರ್ಧದಿಂದ ನಿರಾಶೆಗೊಂಡರೂ, ಇದನ್ನು "ಪ್ರಬುದ್ಧ ಚಿತ್ರ" ಎಂದು ಬಣ್ಣಿಸಿದರು ಮತ್ತು ಅಭಿನಯವನ್ನು ಶ್ಲಾಘಿಸಿದರು. [೧೮]
ಟುಡೆಯ ದಿನೇಶ್ ರಹೇಜಾ ಈ ಪ್ರದರ್ಶನಗಳನ್ನು ಶ್ಲಾಘಿಸುತ್ತಾ, "ಫಿಜಾ ತನ್ನ ನಿಕಟ-ಹೆಣೆದ ಕುಟುಂಬದೊಳಗೆ ಸೆರೆಹಿಡಿಯಲಾದ ದೃಶ್ಯಾವಳಿಗಳಿಂದಾಗಿ ವೀಕ್ಷಿಸಬಹುದಾದಂತಿರುತ್ತದೆ. ಆದರೆ, ಅದು ಸೆರೆಹಿಡಿಯಲು ಬಯಸುವ ದೊಡ್ಡ ಚಿತ್ರಣವು ಅಭಿವೃದ್ಧಿಯಾಗಿಲ್ಲ" ಎ೦ದು ತೀರ್ಮಾನಿಸಿದರು.
2010 ರಲ್ಲಿ, "ಬಾಂಬೆ ಸಿನೆಮಾದ ಮುಸ್ಲಿಂ ಸಂಸ್ಕೃತಿಗಳು" ಎಂಬ ವಿಭಾಗದ ಭಾಗವಾಗಿ ಪ್ರದರ್ಶಿಸಲು ಫಿಲ್ಮ್ ಸೊಸೈಟಿ ಆಫ್ ಲಿಂಕನ್ ಸೆಂಟರ್ ಆಯ್ಕೆ ಮಾಡಿದ 14 ಹಿಂದಿ ಚಲನಚಿತ್ರಗಳಲ್ಲಿ ಫಿಜಾ ಒಂದಾಗಿತ್ತು, ಇದು "ಪ್ರಸ್ತುತ ಬಾಂಬೆಯ ಸಿನೆಮಾದ ಮೇಲೆ ಮುಸ್ಲಿಂ ಸಾಂಸ್ಕೃತಿಕ ಮತ್ತು ಸಾಮಾಜಿಕ ಸಂಪ್ರದಾಯಗಳ ಶ್ರೀಮಂತ ಪ್ರಭಾವವನ್ನು ಆಚರಿಸಲು ಮತ್ತು ಅನ್ವೇಷಿಸಲು" ಗುರಿಯನ್ನು ಹೊಂದಿದೆ.[೧೯][೨೦]
ಫಿಜಾ ಮಲೇಷ್ಯಾದಲ್ಲಿ ಪ್ರದರ್ಶನಗೊಳ್ಳುವುದನ್ನು ನಿಷೇಧಿಸಲಾಯಿತು.[೨೧]
ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಲು ಎ. ಆರ್. ರೆಹಮಾನ್ ಅವರನ್ನು ಸಂಪರ್ಕಿಸಲಾಯಿತು,[೨೨], ಆದರೆ ಅವರು ದಿನಾಂಕದ ಸಮಸ್ಯೆಗಳನ್ನು ಉಲ್ಲೇಖಿಸಿ ನಿರಾಕರಿಸಿದರು. ಆದಾಗ್ಯೂ, ಅವರು "ಪಿಯಾ ಹಾಜಿ ಅಲಿ" ಎಂಬ ಒಂದು ಹಾಡನ್ನು ರಚಿಸಲು ಒಪ್ಪಿಕೊಂಡರು, ಉಳಿದ ಹಾಡುಗಳನ್ನು ಅನು ಮಲಿಕ್ ಸಂಯೋಜಿಸಿದರು. ನಂತರ ಅವರು ನಿರ್ದೇಶಕರ ಮುಂದಿನ ಚಿತ್ರವಾದ ತೆಹ್ಜೀಬ್ (2003) ಗೆ ಸಂಗೀತ ಸಂಯೋಜಿಸಿದರು. ಫಿಜಾ ಚಿತ್ರದ ಹಿನ್ನೆಲೆ ಸಂಗೀತ, ರೆಹಮಾನ್ ತನ್ನ ಸಹವರ್ತಿ ರಂಜಿತ್ ಬರೋಟ್ ಸಲಹೆ ನೀಡಿದರು. ಬರೋಟ್ ಸಂಗೀತ ಸಂಯೋಜನೆ ಮಾಡಿದ್ದರು. [೨೩] ಆಲ್ಬಂ ಆ ವರ್ಷದ ಅತ್ಯಂತ ಜನಪ್ರಿಯ ಧ್ವನಿಮುದ್ರಿಕೆಗಳಲ್ಲಿ ಒಂದಾಗಿತ್ತು. ಇದರಲ್ಲಿ "ಆಜಾ ಮಹಿಯಾ", "ಆಂಖ್ ಮಿಲಾವೋಂಗಿ", "ತು ಫಿಜಾ ಹೈ" ಮತ್ತು "ಮೆಹಬೂಬ್ ಮೇರೆ" ನಂತಹ ಜನಪ್ರಿಯ ಹಾಡುಗಳಿವೆ. "ಮೆಹಬೂಬ್ ಮೇರೆ" ಅನ್ನು ಸುಷ್ಮಿತಾ ಸೇನ್ ಐಟಂ ಹಾಡಾಗಿ ಪ್ರದರ್ಶಿಸಿದರು. 46ನೇ ಫಿಲ್ಮ್ಫೇರ್ ಪ್ರಶಸ್ತಿಗಳಲ್ಲಿ, ಮಲಿಕ್ ಚಿತ್ರದ ಧ್ವನಿಪಥಕ್ಕಾಗಿ ಅತ್ಯುತ್ತಮ ಸಂಗೀತ ನಿರ್ದೇಶಕ ನಾಮನಿರ್ದೇಶನವನ್ನು ಪಡೆದರು. ಈ ಆಲ್ಬಂನಲ್ಲಿ ಅವರ ಕೆಲಸಕ್ಕಾಗಿ. [೨೪] ವ್ಯಾಪಾರ ಜಾಲತಾಣವಾದ ಬಾಕ್ಸ್ ಆಫೀಸ್ ಇಂಡಿಯಾ ಪ್ರಕಾರ, ಸುಮಾರು 25,00,000 ಘಟಕಗಳು ಮಾರಾಟವಾಗಿ, ಈ ಚಿತ್ರದ ಧ್ವನಿಪಥದ ಆಲ್ಬಂ ಆ ವರ್ಷದ ಅತಿ ಹೆಚ್ಚು ಮಾರಾಟವಾದ ಆಲ್ಬಂಗಳಲ್ಲಿ ಒಂದಾಗಿತ್ತು.
# | ಹಾಡು. | ಗಾಯಕ (ಎಸ್. | ಸಂಯೋಜಕ | ಗೀತರಚನೆಕಾರ |
---|---|---|---|---|
1 | "ಆಜಾ ಮಹಿಯಾ" | ಉದಿತ್ ನಾರಾಯಣ್, ಅಲ್ಕಾ ಯಾಗ್ನಿಕ್ | ಅನು ಮಲಿಕ್ | ಗುಲ್ಜಾರ್ |
2 | "ಮೆಹಬೂಬ್ ಮೇರೆ" | ಸುನಿಧಿ ಚೌಹಾಣ್, ಕರ್ಸನ್ ಸರ್ಗಥಿಯಾ | ಅನು ಮಲಿಕ್ | ತೇಜ್ಪಾಲ್ ಕೌರ್ |
3 | "ತು ಫಿಜಾ ಹೈ" | ಅಲ್ಕಾ ಯಾಗ್ನಿಕ್, ಸೋನು ನಿಗಮ್, ಪ್ರಶಾಂತ್ ಸಮಧರ್ | ಅನು ಮಲಿಕ್ | ಗುಲ್ಜಾರ್ |
4 | "ಗಯಾ ಗಯಾ ದಿಲ್" | ಸೋನು ನಿಗಮ್ | ಅನು ಮಲಿಕ್ | ಸಮೀರ್ |
5 | "ಪಿಯಾ ಹಾಜಿ ಅಲಿ" | ಎ. ಆರ್. ರೆಹಮಾನ್, ಖಾದರ್ ಗುಲಾಮ್ ಮುಷ್ತಾಫಾ, ಮುರ್ತಜಾ ಗುಲಾಮ್ ಮುಷ್ತಾಫಾ, ಶ್ರೀನಿವಾಸ್ಶ್ರೀನಿವಾಸ | ಎ. ಆರ್. ರೆಹಮಾನ್ | ಶೌಕತ್ ಅಲಿ |
6 | "ನಾ ಲೆಕೆ ಜಾಓ" | ಜಸ್ಪಿಂದರ್ ನರುಲಾ | ಅನು ಮಲಿಕ್ | ಗುಲ್ಜಾರ್ |
7 | "ಮೇರೆ ವತನ್ಃ ಅಮನ್ ಫ್ಯೂರಿ" | ಝುಬೀನ್ ಗಾರ್ಗ್ | ರಂಜಿತ್ ಬರೋಟ್ | ಸಮೀರ್ |
8 | "ಆಂಖ್ ಮಿಲಾವೋಂಗಿ" | ಆಶಾ ಭೋಂಸ್ಲೆ | ಅನು ಮಲಿಕ್ | ಸಮೀರ್ |
ಈ ಚಲನಚಿತ್ರವು ನಾಲ್ಕು ಬಂಗಾಳ ಚಲನಚಿತ್ರ ಪತ್ರಕರ್ತರ ಸಂಘದ ಪ್ರಶಸ್ತಿಗಳು, ಎರಡು ಫಿಲ್ಮ್ಫೇರ್ ಪ್ರಶಸ್ತಿಗಳು, ಎರಡು ಐಫಾ ಪ್ರಶಸ್ತಿಗಳು, ಮತ್ತು ಎರಡು ಝೀ ಸಿನಿ ಪ್ರಶಸ್ತಿಗಳು ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಪಡೆಯಿತು.[೨೫][೨೬]