Әлия Мақсұтқызы Жүсіпова
Әлия Мақсұтқызы Жүсіпова (15 мамыр 1984 жыл, Шымкент Түркістан облысы) - Көркем гимнастика спорт шебері. Осы спорттан Олимпиадаға Қазақстаннан жалғыз жолдаманың иегері.
Әлия Жүсіпова | |
![]() | |
Жеке мағлұматтар | |
---|---|
Азаматтығы | |
Мамандандыру | |
Туған күні | |
Туған жері | |
Бойы | 175 см |
2010 жылдан бері - көркем гимнастикадан ҚР құрама командасының аға жаттықтырушысы. Дүниежүзілік дәрежедегі төреші.
Жетістіктері
- ҚР 10 мәрте чемпионы және көркем гимнастика бойынша халықаралық турнирлердің қатысушысы;
- Әлем кубогының, XIV Азия ойындарының күміс жүлдегері;
- Азия (2006, 2009) және Азия ойындарының (2006) абсолютты чемпионы;
- Сиднейдегі (2000), Афиндағы - 4-орын (2004), Пекиндегі - 5-орын - Олимпиада ойындарына қатысқан.
- ҚР үздік спортшысы (2004).
- ҚР Еңбек сіңірген спорт шебері (2006).
- Дүниежүзілік кластағы гимнаст (2008).
- Түркістан облысының Құрметті азаматшасы (2004).
- «Құрмет» орденімен (2004);
- «Ерен еңбегі үшін» медалімен (2004) марапатталған.
2006 жылғы Азия чемпионаты
2006 жылы Үндістанның Сурате қаласында көркем гимнастикадан Азия чемпионаты өткен еді. Әлия Жүсіпова Азия чемпионатының 5 бірдей алтын медалін жеңіп алды. Алғашқы алтынды көпсайыста алған ол доп, шығыршық, скакалка, лента секілді бағдарлама түрлерінің бәрінде де жеңімпаз болып шықты. Және бір атап өтетін жәйт – қазақ гимнасшы қыз Қазақстан көркем гимнастика тарихында алғаш рет Азияның абсолютті чемпионы атанды.
![](http://upload.wikimedia.org/wikipedia/kk/thumb/8/8e/%D0%9A%D3%A9%D1%80%D0%BA%D0%B5%D0%BC_%D0%B3%D0%B8%D0%BC%D0%BD%D0%B0%D1%81%D1%88%D1%8B_%D3%98._%D0%AE%D1%81%D1%83%D0%BF%D0%BE%D0%B2%D0%B0.tif/lossless-page1-200px-%D0%9A%D3%A9%D1%80%D0%BA%D0%B5%D0%BC_%D0%B3%D0%B8%D0%BC%D0%BD%D0%B0%D1%81%D1%88%D1%8B_%D3%98._%D0%AE%D1%81%D1%83%D0%BF%D0%BE%D0%B2%D0%B0.tif.png)
Жаттықтырушысы
Әлия Жүсіпова Мәскеуде олимпиадашылар дайындайтын атақты Ирина Винердің тәлімінде жаттыққан.
Жанұясы
- Әкесі - Жүсіпов Мақсұт Саидұлы (1956 жылы туған), запастағы ҰҚК полковнигі, Шымкент қаласы Әуесқойлар боксы ассоциациясының президенті. Анасы - Сарбаева Ася Кеңесбекқызы (1964 жылы туған), бухгалтер-экономист.
Жеке өмірі
- М. Әуезов атындағы Оңтүстік Қазақстан мемлекеттік университетінің дене тәрбиесі жәнө спорт факультетін (2006), жаттықтырушы-оқытушы; М. Әуезов атындағы Оңтүстік Қазақстан мемлекеттік университетінің магистратурасын «Психология және педагогика» мамандығы бойынша (2008) бітірген.
- Тұрмыс құрған. Жұбайы - Әлтаев Нұржан Бауыржанұлы, заңгер.[1]