Металл эрозиясы

Металл эрозиясы^[1] - металдан жасалған бұйымдардың сыртқы қабатының әр түрлі сыртқы әсерлерден бірте-бірте бүлінуі немесе тозуы.

• Механикалық эрозия - қатты немесе сұйық заттар майда бөлшектерінің ұрылып-соғылуы.
• Электрлік эрозия - импульсті разряд әсерінен дененің микроскопиялық бөлшектерінің бұзылуы.
• Термиялық эрозия - қатты қызғаннан және химиялық әсерден болатын бүліну.

Металл эрозиясы бұйымға әсер ететін бөлшектердің кинетикалық энергиясы мен дене бетінің күйіне (кедір-бұдырлығы, ылғалдылығы т.б.) тәуелді.

Металл эрозиясы зиянды құбылыс - мыстардың, бу турбиналарының, желдеткіш қондырғылардың, ескек винттердің қалақтары, клапандар, бу қазандарының детальдары, электр және радиотехникалық приборлар бөлшектерінің бүлініп тозуына әкеп соқтырады. Сонымен қатар ол бұйымдардың бетін құм жаудырып өңдеу, ультрадыбыстық бұрғылау, жалтырату т.б. мақсаттарында әдейі пайдаланылады.

• Бұйымдарды металмен қаптау.
• Термиялық өңдеу (мыстау, беттік шынықтыру).

• Металл