Литва Республикасының аймақтары (немесе уездері, округтары, лит.apskritis, көпше түрде лит.apskritys) — қазіргі Литваның ең үлкен (бірінші деңгейдегі) әкімшілік бірлігі. 1994 жылдан, Литва Республикасында жергілікті өзін-өзі басқару туралы жаңа заң қабылданған уақыттан, Литва 10 аймаққа бөлінеді. Аймақтар 60 екінші деңгейдегі әкімшілік бірлігіне — муниципалитетке (лит.savivaldybė, көпше түрде лит.savivaldybės, сөзбе-сөз аударғанда өзінің-өзі басқару, өзінің-өзі басқаратын жер) бөлінеді.
1994 жылдан 2010 жылғашааймақ басшысын (лит.apskrities viršininkas, көпше түрде лит.apskrities viršininkai) Литваның үкіметі тағайындаған еді, ал 2010 жылда аймақ деңгейіндегі әкімдіктер толығымен алып тасталды[1].
Литва Республикасының 60 муниципалитетінің 9-ы қала муниципалитеттері, 43-і аудан муниципалитеттері, ал 8-і жаңадан пайда болған муниципалитеттер деп аталады. Муниципалитеттердің барлығы 3-ші деңгейдегі әкімшілік бірліктеріне — елағалықтарға (немесе старосталықтарға, лит.seniūnija, көпше түрде лит.seniūnijos) бөлінеді. 2008 жылда, қыркүйектің 15-інде, Литваның Сеймі жергілікті өзін-өзі басқару туралы заңға өзгерістер енгізілді, осыған байланысты 2009 жылда Литваның әкімшілік бөлінуінің тағы да бір деңгейі — сянюнайтиялар, яғни елағалық бөлімдері (лит.seniūnaitija, көпше түрде лит.seniūnaitijos) пайда болды[2].
