Конкомба
Конкомба (бекпокпам, кокомба, комба, коквамба, пангпана, бассари, тоботе)[1] — Гананың солтүстік аймақтары мен Тогодағы Оти өзенінің жоғарғы ағысында тұратын халық.[2]Жалпы саны 300 мың адамды құрайды. Ганада 200 мың адам, Тогода 100 мың адам.[3]Туыстас халықтар: бассари, гурма, дагомба, касена. Келесі субэтникалық топтарға бөлінеді: бемокпим, бечабоб, бегбим, бенафиаб, беквом, т.б.
(бекпокпам, кокомба, комба, коквамба, пангпана, бассари, тоботе) | |
Конкомба | |
![]() | |
Бүкіл халықтың саны | |
---|---|
300 000 | |
Ең көп таралған аймақтар | |
![]() | 200 000 |
![]() | 100 000 |
Тілдері | |
конкомба тілі | |
Діні | |
дәстүрлі нанымдар |
Тілі
Тілі - конкомба тілі. Жазуы латын әліпбиіне негізделген. Сонымен бірге Ганада чви, хауса және ағылшын тілдері, Тогода басари және француз тілдері де таралған.[4]
Діні
Көбінесе дәстүрлі нанымдарды ұстанады, шамамен 15% христиандар (католиктер мен протестанттар, англикандар, пресвитериандар), сүнниттік мұсылмандар да бар.[5]
Кәсібі
Дәстүрлі кәсіптері қолмен атқарылатын егіншілік (ямс, тары, құмай, күріш, жүгері, бұршақ дақылдары), мал шаруашылығы, аңшылық және балық аулау. Қолөнерден – ұсталық, керамика, тоқу, тоқымашылық дамыған.[6]
Өмір салты
Дәстүрлі қоғамдық ұйымның негізін ауыл қауымдары, көп балалы отбасылар, патрилиндік рулар және жас топтары құрайды. Неке қонысы вирилокальды, полигиния кең таралған.Негізгі фольклорлық жанрлар – әндер, ертегілер, мақал-мәтелдер.
Олар конустық шатыры сабанмен жабылған дөңгелек ағаш үйлерде тұрады.
Ерлер жеңі қысқа ұзын жейде (ақ немесе ақ-қара жолақ), әйелдер белбеулі белдемше киеді.
Негізгі тағамы - жарма және бұқтырылған ботқа, балық, сүт, ет пайдаланады.[7]