Sonic Highways

მიუხედავად იმისა, რომ Wasting Light-ის შემდეგ ჯგუფი შესვენებას აპირებდა, 2013 წლის იანვარში დეივ გროლმა განაცხადა, რომ კოლექტივმა დაიწყო მერვე სტუდიური ალბომის ჩაწერა.^[7]2013 წლის 20 თებერვალს Brit Awards-ზე გროლმა განაცხადა, რომ მეორე დღეს ბრუნდებოდა ამერიკაში და იწყებდა შემდეგ ალბომზე მუშაობას.^[8] 2013 წლის აგვისტოში, XFM-თან ინტერვიუდან მისგან ცნობილი გახდა, რომ ალბომის გამოცემა 2014 წლისთვის დაიგეგმა:

„გეტყვით, რომ უკანასკნელ კვირებში სტუდიაში ვიმყოფებით და ვწერდით ალბომს. ეს ალბომი ყველა წინასგან განსხვავებული იქნება და აღფრთოვანებულები ვართ. მანამდე რაღაც დრო არის - მალე არ იქნება, მაგრამ ვფიქრობ, შემდეგი წელი იქნება ნამდვილად დიდი წელი Foo Fighters-ისთვის, უეჭველია.“^[9]

წამყვან გიტარისტ კრის შიფლეტის თქმით, გროლი ტექსტზე მუშაობას ვოკალის ჩაწერამდე ასრულებდა. ამჯერად კომპოზიციები ნაკლებად ეხებოდა „სასიყვარულო წერილებსა და გაურკვეველ ურთიერთობებს“ და უფრო მეტად - გრძნობებს, რომლებიც გროლს ჰქონდა ყოველ ქალაქთან დაკავშირებით.^[10]

2013 წლის 6 სექტემბერს კრის შიფლეტმა თავის Instagram-ის ანგარიშზე გამოაქვეყნა სურათი, რომელიც აღნიშნავდა ალბომისთვის ჩაწერილ 13 სიმღერას.^[11] კლავიშისტმა რამი ჯეფიმ ჩაწერა პარტიები სამი სიმღერისთვის. ერთ-ერთი მათგანი იყო „In The Way“.^[12] ბუტჩ ვიგმა, წინა ალბომ Wasting Light-ის პროდიუსერმა, დაადასტურა, რომ იგი ახალი ალბომის პროდიუსერიც იყო.^[13][14] 2014 წლის 30 ივლისს ვიგისგან ცნობილი გახდა, რომ ჯგუფმა დაასრულა ალბომის ჩაწერა და ხმი მიქსი და იგი გამოიცემოდა სერიალ Foo Fighters: Sonic Highways-ის ეთერში გასვლიდან ერთი თვის თავზე.^[15] 2014 წლის აგვისტოში გროლმა ისაუბრა ალბომის შესახებ: „ადვილად ამოიცნობთ, რომ ეს ალბომი Foo Fighters-ის ჩანაწერია, მაგრამ მასში უფრო მეტია ღრმა და მუსიკალური. ვფიქრობ, რომ ქალაქებმა და პიროვნებებმა შთაგვაგონეს ახალი ტერიტორიების გაფართოება და შესწავლა, ჩვენი „ჟღერადობის“ დაკარგვის გარეშე.“^[2]

ალბომის გარეკანზე წარმოდგენილია ქალაქის ხედები ერთმანეთში არეული შენობებით. აქ არის სიეტლის სპეის ნიდლი, ჰოლივუდის ნიშანი ლოს-ანჯელესში და ციფრ 8-ის განმეორებადი მოტივი, რაც აღნიშნავს ჯგუფის Foo Fighters-ის მერვე ალბომს და უსასრულობას. (∞).^[2]გრამფირფიტის გამოცემა წარმოდგენილია რვა სხვადასხვა გარეკანით, სადაც თითო ასახავს ერთ-ერთს რვა ქალაქიდან. „უსასრულობის“ ამსახველი შენობა რვიანის ფორმით არის წარმოდგენილი.^[5] დილერების დიდი ნაწილი არ იძლეოდა გარანტიას იმისა, თუ როგორ გარეკანს შეიძენდა მყიდველი, მაგრამ ჯგუფის ოფიციალური საიტიდან მისი წინასწარი შეკვეთის შემთხვევაში სასურველის არჩევა შესაძლებელი იყო.^[6][16]

2014 წლის 16 იანვარს Foo Fighters-ის Facebook-ის ოფიციალურ გვერდზე გამოქვეყნდა სურათი რამდენიმე მასტერ-ფირით, რომელთა ნაწილს ეწერა „LP 8“ (ინგლ. ალბომი 8).^[17] 2014 წლის 15 მაისს ცნობილი გახდა, რომ ჯგუფის მერვე ალბომი გამოიცემოდა 2014 წლის ნოემბერში და Foo Fighters აღნიშნავდა მას და თავის 20 წლიან იუბილეს HBO-ს ეთერისთვის მომზადებული სატელევიზიო სერიალით Foo Fighters: Sonic Highways, რომლის რეჟისორი იქნებოდა დეივ გროლი.^[18] 2014 წლის 11 აგვისტოს ცნობილი გახდა ალბომის სახელწოდებაც - Sonic Highways და გამოცემის თარიღი - იმავე წლის 10 ნოემბერი.^[19]

პროფესიონალური რეიტინგები

საერთო ქულები
წყარო	რეიტინგი
Metacritic	68/100[20]
მიმოხილვების ქულები
წყარო	რეიტინგი
AllMusic	[21]
The A.V. Club	B–[22]
Chicago Tribune	[23]
Consequence of Sound	C–[24]
Entertainment Weekly	B[25]
The Guardian	[26]
The Observer	[27]
NME	7/10[28]
Pitchfork Media	5.6/10[29]
Rolling Stone	[2]

ალბომმა Metacritic-ზე 31 მიმოხილვის საფუძველზე მიიღო შეფასება 68 ქულის სახით^[20] სტივენ თომას ერლეუაინი (AllMusic) წერდა, რომ ალბომში „აღინიშნება არა მეინსტრიმში გადასული ანდერგრაუნდული როკის მრისხანება, არამედ ამერიკის შეერთებული შტატების გამაერთიანებელი კლასიკური როკი, სანაპიროდან სანაპირომდე.“^[21] ფილიო კოსორესი (Consequence of Sound): „ალბომი სერიალის ერთგვარი გაფართოება და დამატებაა.“^[24]

პატრილ დოილი (Rolling Stone) აღნიშნავდა, რომ ალბომის რამდენიმე სიმღერა „ჯგუფისთვის დღეისთვის ყველაზე ამბიციურია“.^[2] სტიუარტ ბერმანი (Pitchfork Media) მას უფრო კრიტიკულად მიმოიხილავდა - „Foo Fighters მთლიანად აქრობს საკუთარი შემოქმედებითი პროცესის იდუმალებას და პროექტს Sonic Highways აქცევს სახელოვან საშინაო დავალებად - შესაძლოა, შემეცნებით, მაგრამ თავისი დამუშავებით პროცედურულად.“^[29]

Foo Fighters

• დეივ გროლი – წამყვანი ვოკალი, რიტმული გიტარა
• პეტ სმირი – რიტმული გიტარა
• ნეიტ მენდელი – ბას-გიტარა
• ტეილორ ჰოუკინსი – დასარტყმელი საკრავები, ბეკ-ვოკალი
• კრის შიფლეტი – წამყვანი გიტარა
• რამი ჯეფი – კლავიშებიანი საკრავები

დამატებითი მუსიკოსები

• რიკ ნილსენი – ბარიტონული გიტარა სიმღერაში „Something from Nothing“
• ზეკ ბრაუნი – გიტარა, ბეკ-ვოკალი სიმღერაში „Congregation“
• გერი კლარკ უმცროსი – გიტარა სიმღერაში „What Did I Do? / God As My Witness“
• ჯო უოლში – გიტარა სიმღერაში „Outside“
• Preservation Hall Jazz Band – ალტო-საქსოფონი, დასარტყმელი საკრავები, ფორტეპიანო, ტრომბონი, საყვირი, ტუბა სიმღერაში „In the Clear“^[30]
• ბენ გიბერდი - გიტარა, ვოკალი სიმღერაში „Subterranean“
• ჯოან ჯეტი – გიტარა სიმღერაში „I Am a River“