Roxy Music

Roxy Music — ინგლისური როკ-ჯგუფი, ჩამოყალიბებული 1971 წელს ბრაიან ფერის (რომელიც მისი წამყვანი ვოკალისტი და სიმღერების ავტორი იყო) და ბასისტ გრემ სიმფსონის მიერ. ფერის გარდა, ჯგუფის შემადგენლობაში ხანგრძლივი პერიოდის განმავლობაში შედიოდნენ ფილ მანზანერა (გიტარა), ენდი მაკი (საქსოფონი, ჰობოი) და პოლ თომპსონი (დასარტყმელი საკრავები და პერკუსია). სხვა წევრებს შორის აღსანიშნავია ბრაიან ინო (სინთეზატორი), ედი ჯობსონი (სინთეზატორი, ვიოლინო) და ჯონ გუსტაფსონი (ბასი). მიუხედავად იმისა, რომ ჯგუფი 1976 და 1983 წელს დაიშალა, 2001 წელს იგი დროებით აღდგა და ტურნე ჩაატარა. ამასთან, მისი ყოფილი წევრები დროდადრო მონაწილეობდნენ ფერის სოლო პროექტებში.

Roxy Music
Roxy Music-ის გამოსვლა TopPop-ში, 1973
ბიოგრაფია
წარმოშობა	ნიუკასლ-აპონ-ტაინი, ინგლისი
ჟანრ(ებ)ი	გლემ-როკი არტ-როკი ახალი ტალღა პოპ-როკი
აქტიური	1971–1983, 2001–2011
ლეიბლ(ებ)ი	Island EG Virgin Atco Reprise/Warner Bros.
ყოფილი წევრები	ბრაიან ფერი გრემ სიმფსონი რიკ კენტონი როჯერ ბანი დექსტერ ლოიდი დევიდ ო'ლისტი ენდი მაკი ბრაიან ინო პოლ თომპსონი ფილ მანზანერა ჯონ გუსტაფსონი ედი ჯობსონი
საიტი	roxymusic.co.uk
Roxy Music ვიკისაწყობში