N-Gage QD

N-Gage QD — სმარტფონი და მეექვსე თაობის პორტატიული ვიდეო თამაშების კონსოლი, N-Gage-ის განახლებული და შემცირებული ვერსია, შექმნილი და გამოცემული ფინური კომპანია Nokia-ს მიერ. დაანონსდა 2004 წლის 14 აპრილს, ხოლო გამოვიდა 2004 წლის მაისში.^[2]

Nokia N-Gage QD
მწარმოებელი	Nokia
ტიპი	პორტატიული ვიდეო თამაშების კონსოლი
თაობა	მეექვსე თაობა
გამოშვების თარიღი	მაისი, 2004[1]
შეწყდა	26 ნოემბერი, 2005
გაიყიდა	2 მილიონი
მედია	MMC
პროცესორი	ARM9E
მეხსიერების საცავი	MMC, 3.4 მბ შიდა მეხსიერება
ონლაინ სერვისები	N-Gage Arena

N-Gage QD მოიხმარდა იმავე ოპერაციულ სისტემას (Symbian OS v6.1), რასაც მისი წინამორბედი კონსოლი. აღმოიფხვრა ის პრობლემები, რაც გააჩნდა მის წინამორბედს: განახლდა დიზაინი, გაიზარდა ელემენტის მოცულობა, თუმცა მისი ზომის შემცირების გამო გამოაკლდა USB პორტი, რადიოს მხარდაჭერა და MP3-ის დაკვრის ფუნქცია.

კონსოლმა ვერ შეძლო Nintendo-ს Game Boy Advance-ისთვის კონკურენციის გაწევა და ფართო მასების ყურადღების მიპყრობა. იგი მიჩნეულია კომერციულ ჩავარდნად — საერთო ჯამში გაიყიდა 2 მილიონი ასლის ოდენობით.

2005 წლის ნოემბერში Nokia-მ შეწყვიტა კონსოლის წარმოება. მოგვიანებით Nokia-მ N-Cage-ის სათამაშო აღჭურვილობა დანერგა 60 სერიის სმარტფონებში, რომელიც 2007 წელს დაანონსდა როგორც N-Gage პლატფორმა ან „N-Gage 2.0“.^[3][4]