Australian Goldfields Open

Australian Goldfields Open — სნუკერის პროფესიონალური რეიტინგული ტურნირი ავსტრალიაში. პირველად შემოიღეს 2011/12 წლების სეზონზე ქალაქ ბენდიგოში (ვიქტორიას შტატი). მიმდინარე ჩემპიონია ინგლისელი ჯად ტრამპი.

ისტორია

1975 წელს მელბურნმა მიიღო 1975 წლის მსოფლიო ჩემპიონატი, რომელიც იმ დროისთვის უკვე რეიტინგული ტურნირი იყო. თუმცა საკუთარი რეიტინგული შეჯიბრება ქვეყანას არ ჰქონდა 2011 წლამდე. ამგვარი სტატუსის ტურნირის ჩატარების პირველი მცდელობა ჯერ კიდევ 1989 წელს იყო, თუმცა ბოლო მომენტში გარკვეულ მიზეზთა გამო გადაიტანეს ჰონგ-კონგში და ავსტრალიის ღია ჩემპიონატი ჩანაცვლდა ჰონგ-კონგის ღია ჩემპიონატით. უფრო ადრე, 1987 წელს, შეწყდა მეინ-ტურის ერთადერთი ადგილობრივი შეჯიბრების, Australian Masters ჩატარება, ხოლო 1988 წელს არსებობა შეწყვიტა ავსტრალიის ჩემპიონატმა პროფესიონალებს შორის. ამგვარად, 1989 წლიდან 2010 წლამდე ავსტრალიაში არ ჩატარებულა სნუკერის არც ერთი პროფესიონალური ტურნირი. გამონაკლისი გახდა მსოფლიო სერიის ეტაპი World Snooker 1995 წელს მელბურნში; თუმცა ეს საკმაოდ უმნიშვნელო შეჯიბრება იყო.

ავსტრალიაში რეიტინგული ტურნირის მოწყობის განზრახვის შესახებ 2011 წლის დასაწყისში განაცხადა World Snooker-ის ხელმძღვანელმა, ბარი ჰირნმა. შესაძლოა, ამ გადაწყვეტილებაში მნიშვნელოვანი როლი ითამაშა 2010 წლის მსოფლიო ჩემპიონატზე ავსტრალიელი ნილ რობერტსონის გამარჯვებამ.

ფორმატი

ყველა საკვალიფიკაციო თამაში ტარდება შეფილდის სნუკერის აკადემიაში. კვალიფიკაციისა და მთავარი ეტაპის მატჩები ნახევარფინალამდე თამაშდება 5 გამარჯვებამდე; ნახევარფინალები — 6 გამარჯვებამდე, ფინალი — 9-მდე. არის აგრეთვე უაილდ-კარდ რაუნდი.

გამარჯვებულები

წელი	გამარჯვებული	ფინალისტი	ანგარიში	სეზონი
Australian Masters (არარეიტინგული)^[1]
1979	იან ანდერსონი	პერი მენსი	^{[n 1]}	1979/80
1980	ჯონ სპენსერი	დენის ტეილორი	^{[n 1]}	1980/81
1981	ტონი მეო	ჯონ სპენსერი	^{[n 1]}	1981/82
1982	სტივ დეივისი	ედი ჩარლტონი	^{[n 1]}	1982/83
1983	კლიფ თორბერნი	ბილ ვერბენიუკი	7–3	1983/84
1984	ტონი ნოულზი	ჯონ ვირგო	7–3	1984/85
1985^[2]	ტონი მეო	ჯონ კემპბელი	7–2	1985/86
1986	დენის ტეილორი	სტივ დეივისი	3–2	1986/87
1987	სტივენ ჰენდრი	მაიკ ჰალეტი	371–226^{[n 1]}	1987/88
Hong Kong Open (რეიტინგული)
1989^[3]	მაიკ ჰალეტი	დენ ო'კეინი	9–8	1989/90
Australian Open (არარეიტინგული)
1994^[4]	ჯონ ჰიგინსი	უილი თორნი	9–5	1994/95
Australian Masters (არარეიტინგული)
1995^[4]	ენტონი ჰემილტონი	კრის სმოლი	8–6	1995/96
Australian Goldfields Open (რეიტინგული)^[5]
2011^[6]	სტიუარტ ბინემი	მარკ უილიამსი	9–8	2011/12
2012^[7]	ბარი ჰოკინსი	პიტერ ებდონი	9–3	2012/13
2013^[8]	მარკო ფუ	ნილ რობერტსონი	9–6	2013/14
2014^[9]	ჯად ტრამპი	ნილ რობერტსონი	9–5	2014/15