Alejandro (სიმღერა)

„Alejandro“ (ქართ. ალეხანდრო) — ამერიკელ მომღერალ ლედი გაგას სიმღერა. სიმღერა გამოვიდა, როგორც მესამე სინგლი მომღერლის მესამე EP-დან The Fame Monster (2009). სიმღერა დაწერილია ლედი გაგას და RedOne-ის მიერ. კრიტიკოსებმა სიმღერა დადებითად შეაფასეს და აღნიშნეს მასზე პოპ-ჯგუფების, ABBA-ს და Ace of Base-ის და მადონას გავლენა.

„Alejandro“
სინგლი — ლედი გაგა
ალბომიდან The Fame Monster
გამოსვლის თარიღი	20 აპრილი, 2010
ჩაიწერა	2009
ჟანრი	ევროპოპი, სინთპოპი
ხანგრძლივობა	4:34
ხმისჩამწერი ლეიბლი	Interscope, Cherrytree, Streamline, Kon Live
ავტორ(ებ)ი	ლედი გაგა, RedOne[1]
პროდიუსერი	RedOne
ლედი გაგა — სინგლების ქრონოლოგია
„Telephone“ (2009) „Alejandro“ (2010) „Dance in the Dark“ (2010)

სიმღერა გამოსვლის თანავე მოხვდა გაერთიანებული სამეფოს, ავსტრალიის, კანადის, ახალი ზელანდიის, აშშ-ის, ფინეთის, პოლონეთის, რუსეთის, ბულგარეთის და რუმინეთის ჩარტებში. „Alejandro“ გახდა გაგას ზედიზედ მეშვიდე სიმღერა, რომელიც გამოსვლისთანავე მოხვდა აშშ-ის ჟურნალ „ბილბორდის“ Hot 100-ში.

2010 წლის 8 ივნისს ლედი გაგამ ამ სიმღერაზე გამოუშვა მუსიკალური ვიდეო, რომლის რეჟისორი არის მოდის ფოტოგრაფი სტივენ კლაინი. კლიპში ასახულია გაგას სიყვარული თავისი გეი-მეგობრების მიმართ. ვიდეომ მიიღო დადებითი შეფასება კრიტიკოსების მიერ, ხოლო კათოლიკურმა ლიგამ გაგა დაადანაშაულა პოპულარობის ასამაღლებლად საეკლესიო თემატიკის გამოყენებაში (ჯვრის გადაყლაპვის სცენის გამო). გაგამ სიმღერა ცოცხლად შეასრულა მუსიკალურ შოუს American Idol-ის მეცხრე სეზონში და ასრულებდა მას თავის მეორე მსოფლიო ტურნეს The Monster Ball Tour (2009-2011) ფარგლებში.