ხიდი მდინარე კვაიზე (ფილმი)
ხიდი მდინარე კვაიზე — რეჟისორ დევიდ ლინის 1957 წელს გადაღებული ეპიკური საომარი ფილმი, რომელიც დაფუძნებულია პიერ ბულის მიერ 1952 წელს გამოქვეყნებულ იმავე სახელწოდების რომანზე. ფილმში მოქმედება 1942-1943 წლებში ბირმის რკინიგზის მშენებლობისას ვითარდება. მონაწილეობენ: ალეკ გინესი, უილიამ ჰოლდენი, ჯეკ ჰოკინსი და სესუ ჰაიაკავა.
| „ხიდი მდინარე კვაიზე“ | |
|---|---|
.jpg) | |
| რეჟისორი | დევიდ ლინი |
| პროდიუსერი | სემ შპიგელი |
| სცენარის ავტორი | კარლ ფორმანი მაიკლ უილსონი |
| ნაწარმოები | ხიდი მდინარე კვაიზე |
| როლებში | ალეკ გინესი უილიამ ჰოლდენი ჯეკ ჰოკინსი სასუ ჰაიაკავა |
| კომპოზიტორი | მალკოლმ არნოლდი |
| სტუდია | Horizon Pictures |
| დისტრიბუტორი | Columbia Pictures |
| პრემიერა | 1957 |
| ხანგრძლივობა | 161 წთ. |
| ქვეყანა | გაერთიანებული სამეფო აშშ |
| ენა | ინგლისური ენა |
| ბიუჯეტი | 2.8 მილიონი $ |
| შემოსავალი | 30.6 მილიონი $ |
ფილმის თავდაპირველი სცენარი კარლ ფორმანს ეკუთვნოდა, რომელიც შემდეგში მაიკლ უილსონმა შეცვალა. ორივე სცენარისტს საიდუმლოდ მუშაობა უწევდათ, რადგანაც ჰოლივუდის შავ სიაში იყვნენ და მუშაობის გასაგრძელებლად გაერთიანებულ სამეფოში გაქცევა მოუხდათ. პიერ ბულმა, რომელიც ინგლისურად ვერ საუბრობდა, ოსკარი საუკეთესო ადაპტირებული სცენარისთვის მიიღო. ფორმანმა და უილსონმა ოსკარი გარდაცვალების შემდეგ მიიღეს.[1]
ხიდი მდინარე კვაიზე 1945 წლის ყველაზე მაღალშემოსავლიანი ფილმი იყო და კრიტიკოსთაგან დადებითი შეფასებები დაიმსახურა. ფილმმა ოსკარის 30-ე დაჯილდოებაზე 7 ჯილდო (მათ შორის ოსკარი საუკეთესო სურათისთვის) დაიმსახურა. 1997 წელს ხიდი მდინარე კვაიზე „კულტურული, ისტორიული და ესთეტიკური მნიშვნელობის“ მქონე ფილმად დაასახელეს და აშშ-ის კონგრესის ბიბლიოთეკამ ფილმების ეროვნულ რეესტრში შეიტანა.[2][3] ამერიკის კინოინსტიტუტმა ფილმი ყველა დროის საუკეთესო ამერიკულ ფილმებს შორის დაასახელა.[4][5] 1999 წელს ბრიტანეთის კინოინსტიტუტმა ხიდი მდინარე კვაიზე XX საუკუნის 100 საუკეთესო ბრიტანულ ფილმს შორის მე-11 ადგილას დაასახელა.
როლებში
- უილიამ ჰოლდენი — მაიორი შირსი
- ალეკ გინესი — პოლკოვნიკ-ლეიტენანტი ნიკოლსონი
- ჯეკ ჰოკინსი — მაიორი უორდენი
- სესუ ჰაიაკავა — პოლკოვნიკი საიტო
- ჯეიმზ დონალდი — მაიორი კლიპტონი
- ჯოფრი ჰორნი — ლეიტენანტი ჯოისი
- ანდრე მორელი — პოლკოვნიკი გრინი
- პიტერ უილიამსი — კაპიტანი რივზი
- ჯონ ბოქსერი — მაიორი ჰიუ
- პერსი ჰერბერტი — რიგითი გროგანი
- ჰაროლდ გუდვინი — რიგითი ბეიკერი
- ენ სირსი — მედდა
- ჰენრი ოკავა — კაპიტანი კინემაცუ
- კეიიჩირო კაცუმოტო — ლეიტენანტი მიურა
- პოლ ლამბერტი — ბრიტანელი ოფიცერი
წარმოება
სცენარი
სცენარისტები: კარლ ფორმანი და მაიკლ უილსონი ჰოლივუდის შავ სიაში იყვნენ, რის გამოც ინგლისში ცხოვრობდნენ და ფილმზე მხოლოდ საიდუმლოდ მუშაობა შეეძლოთ. სცენარისტებს ერთად არ უმუშვიათ. ფორმანის ნამუშევრით ლინი კმაყოფილი არ იყო, რის შემდეგაც მასზე მუშაობა უილსონმა გააგრძელა. ოფიციალურად სცენარი პიერ ბულს მიეკუთვნა (რომელიც ინგლისურად ვერ საუბრობდა), რომელსაც შედეგად ოსკარი საუკეთესო ადაპტირებული სცენარისთვის გადაეცა. 1984 წელს კინემატოგრაფიული ხელოვნებისა და მეცნიერების აკადემიამ სიტუაცია გამოასწორა და ფორმანსა და უილსონს ოსკარი გარდაცვალების შემდეგ მიენიჭათ.[6]
რესურსები ინტერნეტში
- „ხიდი მდინარე კვაიზე (ფილმი)“ — კინოფილმების ინტერნეტ-მონაცემთა ბაზა (ინგლისური)
- „ხიდი მდინარე კვაიზე (ფილმი)“ — Allmovie-ზე
- „ხიდი მდინარე კვაიზე“ — Box Office Mojo-ზე
- „ხიდი მდინარე კვაიზე (ფილმი)“ — TCM-ის მონაცემთა ბაზაში
- „ხიდი მდინარე კვაიზე (ფილმი)“ — Rotten Tomatoes
- The Bridge on the River Kwai essay by Daniel Eagan in America's Film Legacy: The Authoritative Guide to the Landmark Movies in the National Film Registry, A&C Black, 2010 ISBN 0826429777, pages 537-538 [1]