ფანტაზია 2000
ფანტაზია 2000 (ინგლ. Fantasia 2000) — Walt Disney Feature Animation-ის 1999 წლის ანიმაციური ფილმი. მისი დისტრიბუტორი იყო Buena Vista Pictures. იგი არის ფილმის „ფანტაზია“ გაგრძელება და დისნეის 38-ე სრულმეტრაჟიანი ანიმაციური ფილმი. ისევე, როგორც წინამორბედი, „ფანტაცია 2000“-ც შედგება ანიმაციური ეპიზოდებისგან კლასიკური მუსიკის თანხლებით. დონ ჰენის მიერ გადაღებულ ჩანართებში მონაწილეობენ ცნობილი მსახიობები - სტივ მარტინი, კუინსი ჯოუნსი, ანჯელა ლენსბერი, ჯეიმზ ერლ ჯოუნსი, ბეტი მიდლერი, იცხაკ პერლმანი, პენი და ტელერი.
| „ფანტაზია 2000“ | |
|---|---|
 | |
| რეჟისორი |
|
| პროდიუსერი |
|
| როლებში |
|
| მუსიკა | იხ. პროგრამა |
| მონტაჟი |
|
| სტუდია | |
| დისტრიბუტორი | Buena Vista Pictures |
| პრემიერა |
|
| ხანგრძლივობა | 75 წთ. |
| ქვეყანა | აშშ |
| ენა | ინგლისური |
| ბიუჯეტი | 80-85 მილიონი აშშ დოლარი[1][2] |
| შემოსავალი | 90.9 მილიონი აშშ დოლარი[1] |
რამდენიმე წარუმატებელი მცდელობის შემდეგ, უოლტ დისნეის კომპანიამ იდეა გააცოცხლა მას შემდეგ, რაც 1984 წელს კომპანიის მთავარი აღმასრულებელი დირექტორი გახდა მაიკლ აისნერი. 1991 წელს პირველი „ფანტაზიის“ ვიდეოზე გამოცემის წარმატებამ იგი დაარწმუნა, რომ გაგრძელებით დაინტერესება არსებობდა, ამიტომ მან როი ედვარდ დისნეი დანიშნა აღმასრულებელ პროდიუსერად. ფილმის რვა ეპიზოდიდან ექვსის მუსიკას ასრულებს ჩიკაგოს სიმფონიური ორკესტრი, ჯეიმზ ლევინის ხელმძღვანელობით. მასში აგრეთვე შეტანილია 1940 წლის „ფანტაზიის“ ეპიზოდი, „ჯადოქრის შეგირდი“. ყოველი ახალი ეპიზოდი შეიქმნა ტრადიციული ანიმაციის კომპიუტერულთან შეზავებით.
„ფანტაზია 2000“-ს პრემიერა გაიმართა 1999 წლის 17 დეკემბერს, ნიუ-იორკის კარნეგი-ჰოლში, საკონცერტო ტურნეს ფარგლებში, რომელშიც ასევე შედიოდა ლონდონი, პარიზი, ტოკიო და პასადენა (კალიფორნია). ფილმი 2000 წლის 1 იანვრიდან 30 აპრილამდე მსოფლიო მასშტაბით აჩვენეს IMAX-ის 75 კინოთეატრში (ეს იყო პირველი სრულმეტრაჟიანი ანიმაციური ნამუშევარი ამ ფორმატით). 2000 წლის 16 ივნისს იგი სტანდარტული სახის კინოთეატრებშიც გამოვიდა. კრიტიკოსების ნაწილმა იგი დადებითად შეაფასა, თუმცა სხვებმა აღნიშნეს უსწორმასწორო ხარისხი. 80-85 მილიონი აშშ დოლარის ბიუჯეტით, ფილმმა მსოფლიო მასშტაბით 90.8 მილიონი აშშ დოლარი შეაგროვა.
რესურსები ინტერნეტში
შეგიძლიათ იხილოთ მედიაფაილები თემაზე „ფანტაზია 2000“ ვიკისაწყობში.- ოფიციალური საიტი
- „ფანტაზია 2000“ — კინოფილმების ინტერნეტ-მონაცემთა ბაზა (ინგლისური)
- „ფანტაზია 2000“ — TCM-ის მონაცემთა ბაზაში
- „ფანტაზია 2000“ — Allmovie-ზე
- „ფანტაზია 2000“ — Rotten Tomatoes
- „ფანტაზია 2000“ — Box Office Mojo-ზე
- „ფანტაზია 2000“ — ანიმაციური ფილმების მონაცემთა დიდ ბაზაში
სქოლიო
 | ეს სტატია უოლტ დისნეის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |