სეთ მაკფარლეინი

სეთ მაკფარლეინი (ინგლ. Seth MacFarlane; დ. 26 ოქტომბერი, 1973)^[1] — ამერიკელი კინოპროდიუსერი, რეჟისორი, მსახიობი და მომღერალი. დაკავებულია ანიმაციური და კომედიური ფილმების შექმნით. იგი ცნობილი სატელევიზიო სერიალების, „გრიფინებისა“ (1999-2003, 2005-დღემდე) და „ამერიკელი მამიკოს!“ (2005-დღემდე) ავტორი და თანაავტორია, ასევე რეჟისორია ფილმების: „ტედი“, „ტედი 2“ და „სიკვდილის მილიონი ხერხი ველურ დასავლეთში“ (2014).

სეთ მაკფარლეინი Seth MacFarlane
სეთ მაკფარლეინი San Diego Comic-Con-ის 2012 წლის კონვენციაზე
დაბადების სახელი	სეთ ვუდბერი მაკფარლეინი
დაბადების თარიღი	26 ოქტომბერი, 1973 (1973-10-26) (50 წლის) კენტი, კონექტიკუტი, აშშ
ეროვნება	ამერიკელი
განათლება	კენტის სკოლა
ალმა-მატერი	როდ-აილენდის დიზაინის სკოლა
საქმიანობა	კინოპროდიუსერი კინორეჟისორი ანიმატორი სცენარისტი მსახიობი მომღერალი
აქტიური	1995-
ცნობილი ნაშრომები	„გრიფინები„ „ამერიკელი მამიკო!“
მუსიკალური კარიერა
ჟანრები	ტრადიციული პოპ-მუსიკა მსუბუქი მუსიკა ჯაზი ვოკალური ჯაზი სვინგი ბიგ-ბენდი მუსიკალური კომედია
ინსტრუმენტები	ვოკალი პიანინო
ლეიბლი	Universal Republic Republic Verve Fuzzy Door
ასოციაციები	ნორა ჯონსი ჯოელ მაკნილი უოლტერ მერფი
ხელმოწერა

მაკფარლეინი დაიბადა და გაიზარდა ქალაქ კენტში, კონექტიკუტის შტატი. 1991 წელს დაამთავრა კენტის საშუალო სკოლა,^[2][3] შემდეგ — როდ-აილენდის დიზაინის სკოლა და შეისწავლა ანიმაცია.^[4] შემდეგში, ჰოლივუდში, სტუდია Hanna-Barbera-ში მუშაობდა ანიმატორად, სადაც მონაწილეობა მიიღო უამრავი სატელევიზიო სერიალის შექმნაში. როგორც მსახიობი პირველად გამოჩნდა სერიალში „გილმორის გოგოები“. სეთს გადაეცა რამდენიმე ჯილდო „გრიფინების“ შექმნისთვის, მათ შორის პრაიმ-ტაიმის პრემია „ემი“, „ენის პრემია“ და „ვების პრემია“ (2009). პერიოდულად ლექციებს ატარებს აშშ-ის უნივერსიტებსა და კოლეჯებში და ლგბტ უფლებების ერთ-ერთი აქტიური დამცველია.

სეთი ასევე მის პირველ სრულმეტრაჟიანი ფილმში, „ტედი“ ახმოვანებს დათვს ტედის, რომელიც იქცა ყველაზე მაღალ შემოსავლიან R-რეიტინგის მქონე კომედიად.^[5] როგორც მომღერალს, კონცერტები ჩაუტარებია ისეთ განთქმულ საკონცერტო დარბაზებში როგორებიც არის კარნეგი-ჰოლი და როიალ ალბერტ-ჰოლი. გამოშვებული აქვს სამი სტუდიური ალბომი. მანვე დაწერა ტექსტი სიმღერისთვის „Everybody Needs a Best Friend“, რომელიც ნომინირებული იქნა ოსკარზე.

მაკფარლეინი იყო „კოსმოსი: სივრცე-დროის ოდისეას“ აღმასრულებელი პროდიუსერი — 1980 წელს კარლ სეიგანის მიერ შექმნილი სერიალის, „კოსმოსი: პერსონალურო მოგზაურობა“ გაგრძელებაა.