სან-ლორენსო დე ალმაგრო (საფეხბურთო კლუბი)
სან-ლორენსო დე ალმაგრო ან უბრალოდ სან-ლორენსო (ესპ. Club Atlético San Lorenzo de Almagro) — არგენტინული საფეხბურთო კლუბი ქალაქ ბუენოს-აირესიდან. ჩამოყალიბდა 1908 წლის პირველ აპრილს. ასპარეზობს არგენტინის პრიმერა დივიზიონში და ითვლება ერთ-ერთ ძლიერ და პოპულარულ გუნდად არგენტინული ფეხბურთის ისტორიაში. „ბოკა ხუნიორსთან“,[2] „ინდეპენდიენტესთან“,[3][4] „რივერ პლეიტთან“[5] და „რასინგ კლუბთან“[6] ერთად შედის არგენტინული საფეხბურთო კლუბების დიდ ხუთეულში. არგენტინის თხუთმეტგზის ჩემპიონი და თექვსმეტგზის ვიცე-ჩემპიონი, მერკოსურის თასის (2001),[7] სამხრეთ ამერიკის თასის (2002),[8] ლიბერტადორესის თასისა (2014) და არგენტინის სუპერთასის (2015) მფლობელი.
 | ||||
| სრული სახელი | Club Atlético San Lorenzo de Almagro კლუბ ატლეტიკო სან-ლორენსო დე ალმაგრო | |||
|---|---|---|---|---|
| მეტსახელი | Los Santos (წმინდანები) Los Cuervos (ყვავები) | |||
| დაარსდა | 1 აპრილი, 1908 | |||
| სტადიონი | ესტადიო პედრო ბიდეგაინი „ელ ნუევო გასომეტრო“ [1] ბუენოს-აირესი, არგენტინა (ტევადობა: 47 964 მაყურებელი) | |||
| პრეზიდენტი |  ორასიო არესეიგორი | |||
| მწვრთნელი | რუბენ დარიო ინსუა | |||
| ლიგა | არგენტინის პრიმერა დივიზიონი | |||
| 2022 | მე-6 | |||
| საიტი | ოფიციალური საიტი | |||
| ||||
ისტორია
„სან-ლორენსო დე ალმაგროს“ ისტორია სათავეს 1908 წლის პირველი აპრილიდან იღებს. კლუბის სახელწოდება ერთი მხრივ წმ. ლავრენტის (ესპ. San Lorenzo Mártir)[9] სახელს, ხოლო მეორე მხრივ კათოლიკური ეკლესიის ღვთისმსახურის ლორენსო მასას (ესპ. Lorenzo Massa) სახელს უკავშირდება.[10] კლუბმა თამაში ბუენოს-აირესის რაიონ ალმაგროში (ესპ. Almagro) დაიწყო, რამაც ასევე ჰპოვა ასახვა კლუბის სახელწოდებაში. არგენტინის პროფესიონალური საფეხბურთო ჩემპიონატების ჩატარების დაწყებიდან (1931) „სან-ლორენსო დე ალმაგრო“ დღემდე არგენტინის საფეხბურთო კლუბების საუკეთესო ხუთეულში შედის — „რივერ პლეიტთან“, „ბოკა ხუნიორსთან“, „რასინგ კლუბთან“ და „ინდეპენდიენტესთან“ ერთად.
1920-იან წლებში, არგენტინის ფეხბურთის ასოციაციის შიგნით არსებული უთანხმოებების გამო პარალელურად ორი საფეხბურთო ჩემპიონატი ტარდება: ერთი — არგენტინის ფეხბურთის ასოციაციის (A.A.F.), ხოლო მეორე — არგენტინის სამოყვარულო ფეხბურთის ასოციაციის (A.Am.F.) ეგიდით.[11] „სან-ლორენსო დე ალმაგრო“ ამ უკანასკნელის მიერ ორგანიზებული პირველობის ფარგლებში მონაწილეობს, რა დროსაც სამჯერ (1923, 1924, 1927) ქვეყნის ჩემპიონი, ხოლო ორჯერ (1925, 1926) ვიცე-ჩემპიონი ხდება. რაც შეეხება არგენტინის პროფესიონალურ საფეხბურთო ჩემპიონატში გამარჯვებას — კლუბი მას პირველად 1933 წელს აღწევს.
1939–1943 წლებში მის შემადგენლობაში ცნობილი ბასკი თავდამსხმელი ისიდრო ლანგარა (ესპ. Isidro Lángara) გამოდიოდა.[12]
მიღწევები
.png){kind=small}
.png){kind=small}
- ჩემპიონი (15): 1923,[13] 1924,[14] 1927,[15] 1933, 1936,[16] 1946, 1959, 1968, 1972, 1972, 1974, 1995,[17] 2001, [18] 2007,[19] 2013[20]
- ვიცე-ჩემპიონი (16): 1925,[21] 1926,[22] 1931, 1936,[23] 1936,[24] 1941, 1942, 1957, 1961, 1971, 1983, 1987/88, 1994,[25] 2003,[26] 2015, 2016
- თასის მფლობელი: 1923
რიკარდო ალდაოს თასი
- თასის მფლობელი: 1927
- თასის მფლობელი: 1943
- თასის მფლობელი: 2002
- თასის მფლობელი: 2001
- თასის მფლობელი: 2014
- ფინალისტი: 2014
- არგენტინის სუპერთასი
- თასის მფლობელი: 2015
ცნობილი ფეხბურთელები
ალფრედო კარიკაბერი (1919–1930)- ლუის მონტი (1922–1930)
- დიეგო გარსია (1925–1940)
კლოტარდო დენდი (1931)
ვალდემარ დე ბრიტო (1935–1937, 1939–1941)
ისიდრო ლანგარა (1939–1943)- ხოსე სანფილიპო (1953–1962, 1972)
- ექტორ სკოტა (1971–1976)
- ხორხე ოლგინი (1971–1979)
- რიკარდო ლა ვოლპე (1975–1979)
- ოსკარ ალბერტო ორტისი (1971–1976)
- ხოსე ლუის ჩილავერტი (1984–1988)
