როსტომ აბაშიძე
როსტომ ომერის ძე აბაშიძე (დ. 23 თებერვალი, 1935, ბათუმი, საქართველოს სსრ, სსრ კავშირი) — ქართველი და საბჭოთა სპორტსმენი, ბერძნულ-რომაული სტილის მოჭიდავე. საბჭოთა კავშირის სპორტის დამსახურებული ოსტატი (1962).[1][2] საპატიო ნიშნის ორდენისა (1966) და ღირსების ორდენის კავალერი.[1]
 | |||||||||||||||
| პირადი ინფორმაცია | |||||||||||||||
|---|---|---|---|---|---|---|---|---|---|---|---|---|---|---|---|
| დაბ. სახელი | როსტომ ომერის ძე აბაშიძე | ||||||||||||||
| ეროვნება | ქართველი | ||||||||||||||
| დაბ. თარიღი | 23 თებერვალი, 1935 | ||||||||||||||
| დაბ. ადგილი | ბათუმი, აჭარის ასსრ, საქართველოს სსრ, სსრ კავშირი | ||||||||||||||
| სიმაღლე | 188 სმ | ||||||||||||||
| წონა | 97 კგ | ||||||||||||||
| სპორტი | |||||||||||||||
| ქვეყანა |  სსრ კავშირი საქართველო | ||||||||||||||
| სპორტი | ჭიდაობა | ||||||||||||||
| სახეობა | ბერძნულ-რომაული ჭიდაობა | ||||||||||||||
| კლუბი | „ბურევესტნიკი“ (თბილისი) | ||||||||||||||
| მწვრთნელი | აკაკი მიმინოშვილი გიორგი როსტიაშვილი პეტრე იორდანიშვილი | ||||||||||||||
| ჯილდოები |
| ||||||||||||||
| |||||||||||||||
ბიოგრაფია
დაიბადა 1935 წლის 23 თებერვალს ბათუმში. ადრეული ასაკიდანვე გამოირჩეოდა კარგი სპორტული მონაცემებით ცურვასა და ფეხბურთში, თუმცა 1950 წლიდან მწვრთნელების აკაკი მიმინოშვილისა და გიორგი როსტიაშვილის ხელმძღვანელობით კლასიკურ ჭიდაობაში დაიწყო ვარჯიში. მოგვიანებით პეტრე იორდანიშვილის ხელმღვანელობით განაგრძო ოსტატობის ამაღლება.[3][4]
მსოფლიოს სამგზის (1958, 1962, 1963),[5][2] საბჭოთა კავშირის სამგზის (1957, 1960, 1962)[2] და ახალგაზრდობის მესამე საერთაშორისო მეგობრულ სპორტულ თამაშობათა (1957) ჩემპიონი.[5] საბჭოთა კავშირის ხალხთა I სპარტაკიადის მესამე პრიზიორი (1956). ივან პოდუბნის სახელობის საერთაშორისო ტურნირში გამარჯვებული (1964), XVIII ოლიმპიური თამაშების მონაწილე (1964, ტოკიო, V ადგილი).[6]
საერთაშორისო სარბიელზე ჩატარებული 90 ორთაბრძოლიდან არც ერთი არ წაუგია — მხოლოდ ხუთი შეხვედრა დაასრულა ფრედ.[3]
წარჩინებით დაამთავრა ჯერ სამშენებლო ფაკულტეტი, (1959) შემდეგ კი საქართველოს სახელმწიფო პოლიტექნიკური ინსტიტუტის ასპირანტურა.
ოლიმპიადის შემდეგ სპორტული კარიერა დაასრულა და სამწვრთნელო სამუშაოზე გადაერთო. იყო საქართველოს სსრ ნაკრების მთავარი მწვრთნელი ბერძნულ-რომაულ ჭიდაობაში. მისი ხელმძღვანელობით გუნდმა არაერთ მნიშვნელოვან წარმატებას მიაღწია.
წლების განმავლობაში სხვადასხვა საპასუხისმგებლო თანამდებობაზე მუშაობდა. იყო ქარხნის დირექტორი, ხელმძღვანელობდა რესპუბლიკის სასოფლო-სამეურნეო წყალმომარაგების მთავარ სამმართველოს. ოთხი წელიწადი აჭარის ჭიდაობის ფედერაციას ხელმძღვანელობდა. აქაურმა ფალავნებმა სწორედ მის დროს მიაღწიეს მნიშვნელოვან წარმატებას.[3]
2001 წელს ჭიდაობის მსოფლიო საერთაშორისო ფედერაციის მიერ დასახელდა მსოფლიოს ყველა დროის 5 საუკეთესო ფალავანს შორის.[4] დაჯილდოებულია ჭიდაობის მსოფლიო საერთაშორისო ფედერაციის ოქროს ორდენითა და საპატიო დიპლომით.[7]
2015 წელს საქართველოს სპორტისა და ახალგაზრდობის საქმეთა სამინისტროს გადაწყვეტილებით, მას საქართველოს სპორტის რაინდის წოდება მიენიჭა.[1][7]
2015 წლის 20 თებერვალს საქართველოს ჭიდაობის ეროვნული ფედერაციის გადაწყვეტილებით, ფალავანთა კლუბთან როსტომ აბაშიძის ვარსკვლავი გაიხსნა (ზარბეგ ბერიაშვილის ვარსკვლავთან ერთად).[1][7]
მიღწევები
- მსოფლიოს ჩემპიონი
1958 (87 კგ; ბუდაპეშტი, უნგრეთი)[8][9]- 1962 (97 კგ; ტოლიდო, აშშ)[10]
- 1963 (97 კგ; ჰელსინგბორგი, შვედეთი)[11][12]
- საბჭოთა კავშირის ხალხთა I სპარტაკიადის ბრინჯაოს პრიზიორი
1956 (87 კგ; მოსკოვი)
- საბჭოთა კავშირის ჩემპიონი
- 1957 (87 კგ; ლენინგრადი)[13]
- 1960 (97 კგ; თბილისი)
- 1962 (97 კგ; კაუნასი)[14]
- საბჭოთა კავშირის ჩემპიონატის ბრინჯაოს პრიზიორი
ლიტერატურა
- ქართული საბჭოთა ენციკლოპედია, ტ. 1, თბ., 1975. — გვ. 21.
- გუგუშვილი ნ., ენციკლოპედია „საქართველო“, ტ. 1, თბ., 1997. — გვ. 24.
- Всё о спорте: Справочник Т. 1, 2-е издание / Сост. А. А. Добров. — М.: Физкультура и спорт, 1978.
- Спортивный ежегодник 1951-1959 / Сост. Г. М. Михайлова — М.: Физкультура и спорт, 1961.
- Классическая и вольная борьба. Справочник / Сост. Н. И. Мягченков — М.: Физкультура и спорт, 1984.
პერიოდიკა
- ჯაფარიძე, ზ., როსტომ აბაშიძე // „ლელო“, 15 დეკემბერი, 1957, № 149 (1163), გვ. 3.
რესურსები ინტერნეტში
- როსტომ აბაშიძე — საქართველოს ბიოგრაფიული ლექსიკონი
- როსტომ აბაშიძე — ბიოგრაფიული ლექსიკონი
- როსტომ აბაშიძე — ციფრული ფოტომატიანე „ივერიელი“
- როსტომ აბაშიძე — ქართული სპორტი
- როსტომ აბაშიძე დაარქივებული 2021-10-21 საიტზე Wayback Machine. — საქართველოს ჭიდაობის ფედერაცია
- როსტომ აბაშიძე — საქართველოს ოლიმპიელთა კლუბი
- როსტომ აბაშიძე — მემატიანე
- როსტომ აბაშიძე — Sports-Reference.com