როდრიგო ელი
როდრიგო ელი (პორტ. Rodrigo Ely; დ. 3 ნოემბერი, 1993, ლაჟეადუ, ბრაზილია) — ბრაზილიელი ფეხბურთელი, საფეხბურთო კლუბ ალავესის ცენტრალური მცველი.[1][2][3]
 | |||
| პირადი მონაცემები | |||
|---|---|---|---|
| დაბადების თარიღი | 3 ნოემბერი, 1993 | ||
| დაბადების ადგილი | ლაჟეადუ, რიუ-გრანდი-დუ-სული, ბრაზილია | ||
| სიმაღლე | 188 სმ | ||
| სათამაშო პოზიცია | მცველი | ||
| ახალგაზრდული კარიერა | |||
| 2005–2010 | გრემიო | ||
| 2010–2014 | მილანი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2012–2013 | → რეჯინა | 27 | (1) |
| 2013–2014 | → ვარეზე | 39 | (0) |
| 2014–2015 | აველინო | 33 | (0) |
| 2015–2017 | მილანი | 3 | (0) |
| 2017– | ალავესი | 41 | (2) |
| ეროვნული ნაკრები‡ | |||
| 2011–2012 | იტალია 19 წლ. | 7 | (0) |
| 2012 | იტალია 20 წლ. | 3 | (0) |
| 2015–2016 | ბრაზილია 23 წლ. | 1 | (0) |
| * პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 23 დეკემბერი, 2018 ‡ ეროვნული ნაკრების მატჩი და გოლი ბოლოს განახლდა: 23 დეკემბერი, 2018 | |||
კარიერა
საკლუბო კარიერა
2005–2010 წლებში ბრაზილიური „გრემიოს“ ახალგაზრდულ გუნდში თამაშობს. 2010 წლიდან „მილანის“ ახალგაზრდული გუნდის შემადგენლობაშია. იმის გამო, რომ ორი წლის განმავლობაში „მილანის“ ძირითად შემადგენლობაში მოხვედრას ვერ ახერხებს, საფეხბურთო პრაქტიკის მიღების მიზნით იჯარით „რეჯინაში“ გადადის.
„რეჯინას“ რიგებში პირველად იტალიის თასის გათამაშების ფარგლებში „ნოჩერინას“ წინააღმდეგ გამოდის და შეუცვლელად, მთელი 90 წუთის განმავლობაში თამაშობს. „რეჯინა“ ამ მატჩს მინიმალური სხვაობით (1–0) იგებს. პირველი გოლი „რეჯინას“ მაისურით 2012 წლის 6 ოქტომბერს „ნოვარას“ წინააღმდეგ გამართულ შეხვედრაში გააქვს. მიმდინარე სეზონში 30 შეხვედრას ატარებს და ერთხელ იღებს მეტოქეთა კარს. იჯარის ვადის დასრულების შემდეგ „მილანში“ ბრუნდება, თუმცა ისევ ვერ მკვიდრდდება ძირითადში და კვლავ იჯარით, ამჯერად „ვარეზეს“ რიგებში აგრძელებს თამაშს.
ახალი კლუბის მაისურით პირველად კვლავ იტალიის თასის გათამაშების შეხვედრაში „ვიჩენცას“ წინააღმდეგ გამოდის. საერთო ჯამში, ყველა ტურნირის გათვალისწინებით, კლუბში 41 შეხვედრას ატარებს.
2014 წელს „აველინოს“ უერთდება, სადაც ასევე, ყველა ტურნირის გათვალისწინებით, 35 მატჩში იცავს მის ღირსებას.
2015 წლის 9 ივნისიდან ისევ „მილანშია“. ტრანსფერის თანხის შესახებ ოფიციალური ინფორმაცია არ ხმაურდება, თუმცა ცნობილი ხდება, რომ კონტრაქტი 2019 წლამდე იმოქმედებს.[4][5][6]
„მილანის“ ძირითადში პირველად იმავე წლის 23 აგვისტოს „ფიორენტინას“ წინააღმდეგ სერია A-ს კალენდარულ მატჩში გამოდის მოედანზე. მატჩი მილანელთა მარცხით (0–2) მთავრდება, ხოლო შეხვედრის დებიუტანტი პირველივე შეხვედრის პირველივე ტაიმის მე-9 და 36-ე წუთებზე ორ ყვითელ ბარათს, შესაბამისად, წითელ ბარათს იღებს და მოედანს ტოვებს.[7][8]
„მილანში“ მხოლოდ სამ მატჩს თამაშობს, რის შემდეგაც, 2017 წლის 1 აგვისტოს „ალავესთან“ აფორმებს ოთხწლიან კონტრაქტს.[9]
სანაკრებო კარიერა
როდრიგო ელიმ, რომელსაც ბრაზილიის მოქალაქეობასთან ერთად, ასევე, იტალიის მოქალაქეობაც აქვს, იტალიის 19 წლამდე და 20 წლამდე ნაკრებების შემადგენლობაში შესაბამისად 7 და 3 შეხვედრა ჩაატარა. 2015 წელს კი ბრაზილიის 23 წლამდე ნაკრებიდან მიიღო მოწვევა.[10][11]
მიღწევები
საკლუბო
- თასის მფლობელი: 2016
- ფინალისტი: 2016-17
რესურსები ინტერნეტში
შეგიძლიათ იხილოთ მედიაფაილები თემაზე „როდრიგო ელი“ ვიკისაწყობში.- BDFutbol • Soccerway
