პარტიზანი ბელგრადი (საფეხბურთო კლუბი)
საფეხბურთ კლუბი პარტიზანი (სერბ. Фудбалски клуб Партизан), ცნობილი როგორც „პარტიზანი ბელგრადი“ — სერბეთის საფეხბურთო კლუბი, რომელიც დაფუძნებულია ბელგრადში. არის პარტიზანის სპორტის ასოციაციის ძირითადი ნაწილი.[1] ასპარეზობს სერბეთის საფეხბურთო სუპერლიგაში, მთელი ისტორიის მანძილზე ასპარეზობდა იუგოსლავიის, შემდეგ სერბეთის უმაღლესი დონის ჩემპიონატებში. მოგებული აქვს 39 ტიტული, 26 ეროვნული ჩემპიონატის გათამაშება, 12 თასი, 1 სუპერთასი და 1 მიტროპის თასი.[2] იუგოსლავიის ჩემპიონატის ყველა დროის ცხრილში იკავებს მეორე ადგილს.[3]
სრული სახელი | საფეხბურთ კლუბი პარტიზანი ბელგრადი | |||
---|---|---|---|---|
მეტსახელი | Crno-beli (შავ-თეთრები), Parni valjak | |||
დაარსდა | 4 ოქტომბერი, 1945 | |||
სტადიონი | პარტიზანის სტადიონი ბელგრადი, სერბეთი (ტევადობა: 32 710 მაყურებელი) | |||
პრეზიდენტი | ივან ჩურკოვიჩი | |||
მწვრთნელი | ივან ტომიჩი | |||
ლიგა | სერბეთის საფეხბურთო სუპერლიგა | |||
2022–23 | მე-4 | |||
საიტი | ოფიციალური საიტი | |||
კლუბი დაარსდა 1945 წელს, ბელგრადში, იუგოსლავიის სახალხო არმიის ახალგაზრდა ოფიცრების მიერ, როგორც იუგოსლავიის სპორტის ასოციაციის წევრი.[4] 1949 წლიდან საშინაო მატჩებს ატარებს პარტიზანის სტადიონზე. საფეხბურთო კლუბმა „პარტიზანმა“ მიიღო მონაწილეობა ევროპის ჩემპიონთა თასის პირველ, 195-56 წლების სეზონის გათამაშებაში.[5] „პარტიზანი“ არის პირველი ბალკანური და აღმოსავლეთ ევროპული კლუბი, რომელიც გავიდა ევროპის ჩემპიონთა თასის ფინალში, 1966 წელს იგი მადრიდის „რეალთან“ დამარცხდა.[6]
„პარტიზანს“ აქვს დიდი ხნის მეტოქეობა „ცრვენა ზვეზდასთან“. ამ ორი კლუბის დაპირისპირება ცნობილია როგორც მარადიული დერბი და აღიარებულია როგორც ერთ-ერთი საუკეთესო თანაქალაქელთა დაპირისპირება მსოფლიოში.[7] 2009 წლის სექტემბერში ბრიტანულმა გაზეთმა Daily Mail-მა „პარტიზანი“ - „ცრვენა ზვეზდას“ დაპირისპირებას მიანიჭა მეოთხე ადგილი მსოფლიოს ყველა დროის 10 საუკეთესო საფეხბურთო დაპირისპირებას შორის.[8] „პარტიზანი“ არის მეორე ყველაზე პოპულარული კლუბი სერბეთში,[9] ასევე პოპულარულია ჩერნოგორიასა და ბოსნია და ჰერცეგოვინაში, განსაკუთრებით სერბთა რესპუბლიკის მოსახლეობაში.[10]
ტიტულები
ჯამში „პარტიზანს“ მოგებული აქვს 40 ტიტული, 26 ეროვნული ჩემპიონატი, 12 ქვეყნის თასი, 1 სუპერთასი და 1 მიტროპის თასი.
კლუბს მაისურზე აქვს ორი ოქროს ვარსკვლავი, რაც დაიმსახურა ეროვნული ჩემპიონატის ტიტულების რაოდენობით. პირველი ვარსკვლავი მიიღო, როდესაც მეათედ მოიგო ქვეყნის ჩემპიონის ტიტული, 1985–86 წლების სეზონში, ხოლო მეორე ტიტულის მეოცედ მოგების შემდეგ, 2007–08 წლების სეზონში.
ეროვნული ჩემპიონატი – 26
- იუგოსლავიის პირველი ლიგა
- ჩემპიონი (11): 1947, 1949, 1961, 1962, 1963, 1965, 1976, 1978, 1983, 1986, 1987
- იუგოსლავიის ფრ-ის პირველი ლიგა/სერბეთის და მონტენეგროს პირველი ლიგა
- ჩემპიონი (8): 1993, 1994, 1996, 1997, 1999, 2002, 2003, 2005
- სერბეთის სუპერლიგა
- ჩემპიონი (7): 2008, 2009, 2010, 2011, 2012, 2013, 2015
საფეხბურთო თასი – 12
- იუგოსლავიის თასი
- გამარჯვებული (5): 1947, 1952, 1954, 1957, 1989
- იუგოსლავიის ფრ-ის თასი/სერბეთის და მონტენეგროს თასი
- გამარჯვებული (4): 1992, 1994, 1998, 2001
- სერბეთის თასი
- გამარჯვებული (3): 2008, 2009, 2011
იუგოსლავიის სუპერთასი – 1
- გამარჯვებული (1): 1989
ევროპული
- ჩემპიონთა თასი / ჩემპიონთა ლიგა
- ფინალისტი (1): 1966
- 1/4 ფინალისტი (2): 1955-56, 1963-64
- მიტროპის თასი
- გამარჯვებული (1): 1978
სხვა ჩემპიონატები