ნაუკლუფტის მთები
ნაუკლუფტის მთები (აფრ. გერმ. Naukluftberge) — ქედი ცენტრალურ ნამიბიაში. სამხრეთ ნაწილი მიეკუთვნება ნამიბ-ნაუკლუფტის ეროვნული პარკის უკიდურეს აღმოსავლეთ ნაწილს. ჩრდილოეთ ნაწილში ძირითადად წარმოდგენილია კერძო ფერმერული მეურნეობები. მთები განთქმულია ველური ბუნებით — გავრცელებულია მთის ზებრა და ლეოპარდი. მთებში ბევრია პატარა ნაკადული და ჩანჩქერი.
ნაუკლუფტის მთები | |
---|---|
![]() ნაუკლუფტის ხედი სესრიემიდან | |
კოორდინატები: 24°10′ ს. გ. 15°10′ ა. გ. / 24.167° ს. გ. 15.167° ა. გ. | |
ქვეყანა | ![]() |
უმაღლესი წერტილი | არბაიტ-ადელტი |
სიმაღლე | 1965 მ |
ფართობი | 850 კმ² |
გეოლოგია
ნაუკლუფტის მთები შარიაჟული კომპლექსია, — ქანების ბლოკის კეკური, რომელიც სამხრეთ-აღმოსავლეთითაა გადაადგილებული ბაზალტზე შეცოცების გზით. ქედის პირველი გეოლოგიური რუკა შეადგინეს 1930-იან წლებში გერმანელმა გეოლოგებმა ჰენო მარტინმა და ჰერმან კორნმა. ქანები ჩანერგილი ნატანებითაა წარმოდგენილი და შედგება დოლომიტებისგან, კვარციტისგან და თიხაფიქლისგან, რომლებიც დაილექა დამარული ოროგენის შიდა რაიონებში ზღვის წყალმარჩხ გარემოში 700-500 მილიონი წლის წინ.
ქედზე წარიმართა მრავალი კვლევა, რათა გარკვეულიყო ერთ-ერთი მექანიკური პარადოქსი: ქანების რა მოცულობას შეუძლია გადაადგილება ნელი შეცოცების გზით. მთავარი, საძირკვლის შეცოცება, რომელიც ქედს აყალიბებს, შეიცავს უჩვეულო პოლიმინერალურ მარცვლოვან ქანებს, რაც ზოგიერთი მკვლევრის აზრით, აორთქლების გზითაა წარმოქმნილი,[1] ქანების ზოგიერთი ნაწილი კი მიწისძვრებისას გადაადგილების შედეგად.[2] მკვლევართა დიდი ნაწილი თანხმდება, რომ ამ მარცვლოვანი ფენის საპოხის ეფექტი შეცოცების პროცესს მნიშვნელოვნად დაეხმარა.[3]