მესინა

მესინა (იტალ. Messina) — ქალაქი და ნავსადგური იტალიაში, კუნძულ სიცილიის ჩრდილო-აღმოსავლეთ სანაპიროზე, მესინის სრუტესთან. მესინის პროვინციის ადმინისტრაციული ცენტრი. 265 ათასი მცხოვრები (1976 წლის მონაცემები). სიდიდითა და ეკონომიკური მნიშვნელობით მეორე ქალაქია (პალერმოს შემდეგ). განვითარებულია ქიმიური, საკონსერვო, საფეიქრო მრეწველობა. გემების რემონტი და გემთმშენებლობა. გააქვთ ციტრუსები, ბოსტნეულისა და ხილის კონსერვები. ხშირია მიწისძვრა. შემორჩენილია XII - XVI სს. არქიტექტურული ძეგლები.