მარტაბანის ყურე
მარტაბანის ყურე (ასევე ცნობილი როგორც მოუტამის ყურე) ― ყურე ანდამანის ზღვაში, ბირმის სამხრეთ ნაწილში. ყურეს სახელი ეწოდა ბირმის საპორტო ქალაქის, მოუტამას (წარსულში ცნობილი როგორც მარტაბანი), შესაბამისად. ყურეში მდინარეები: სიტაუნი, სალუინი და იანგონი ჩაედინება.[1]
მარტაბანის ყურის სანაპირო ტალღებითაა გამორჩეული. მათი სიმაღლე 4-7 მეტრია. ყველაზე მაღალი ტალღები ყურის დასავლეთ ნაწილშია გაბატონებული. ყურე სახეობათა მრავალფეროვნებით გამოირჩევა,[2] განსაკუთრებით, ზოლიან ვეშაპისებრთა სახეობებით.[3]
2008 წელს რეგიონში ნავთობის რეზერვები აღმოაჩინეს. 2014 წლიდან ნავთობის მოპოვება ზავტიკას განვითარების პროექტის ფარგლებში დაიწყო, რომელიც ამერიკული, ბრიტანული, ფრანგული, ჩინური, ტაილანდური, ინდონეზიური და ინდური ნავთობკომპანიების საერთაშორისო კონსორციუმს წარმოადგენს. ნავთობს M6, M9 და M11 განყოფილებებში მოიპოვებენ.[4][5]