მარაგის ხოცვა-ჟლეტა

მარაგის ხოცვა-ჟლეტა (სომხ. Մարաղայի կոտորած) — სომეხი მშვიდობიანი მოსახლეობის მასობრივი მკვლელობა სოფელ მარაღაში (სომხ. მარაგა) აზერბაიჯანის შეიარაღებული ძალების მიერ, 1992 წლის 10 აპრილს, ყარაბაღის ომის დროს.^[1][2] ადგილი ჰქონდა მას შემდეგ, რაც აზერბაიჯანელებმა დაიკავეს მოცემული სოფელი. მაცხოვრებლები — მამაკაცები, ქალები და ბავშვები დახოცეს განურჩევლად და წინასწარგანზრახულად; მათი სახლები გაძარცვეს და დაწვეს; სოფელი მთლიანად განადგურდა და ეს ტერიტორია აზერბაიჯანის არმიამ დაიკავა.^[3][4][5] მიუხედავად იმისა, რომ შეფასებებში მოხსენიებულია, რომ გარდაცვლილთა რაოდენობა 50-დან 100-მდე მერყეობდა, წყაროების დიდი ნაწილი იუწყება, რომ დაიღუპა 50-ზე მეტი ადამიანი, 53 კი მძევლად აიყვანეს, რომელთაგან 19 არასდროს დაბრუნებულა უკან.^[6][7][8]