მალმე
მალმე (შვედ. Malmö) — შვედეთის სიდიდით მესამე ქალაქი, განლაგებულია ქვეყნის ყველაზე სამხრეთით მდებარე პროვინცია სკონეში. მდებარეობს ერესუნის სრუტის მარჯვენა ნაპირზე. მოქმედებს ნავსადგური და აეროპორტ, არის სარკინიგზო კვანძი. სანაოსნო, სარკინიგზო და საავტომობილო გზებით უკავშირდება კოპენჰაგენს. არის დასავლეთ სკონეს ფინანსური ცენტრი.
| ქალაქი | |||||
|---|---|---|---|---|---|
| მალმე Malmö | |||||
 მარცხნიდან მარჯვნივ: მბრუნავი ტორსი, მალმეს ციხესიმაგრე, გრიფის სკულპტურა, კრონპრინსენი და ორესუნის ხიდი. | |||||
| |||||
| ქვეყანა |  შვედეთი | ||||
| პროვინცია | სკონე | ||||
| კოორდინატები | 55°35′00″ ჩ. გ. 13°02′00″ ა. გ. / 55.58333° ჩ. გ. 13.03333° ა. გ. | ||||
| დაარსდა | 1353 | ||||
| ამჟამინდელი სტატუსი | XIII საუკუნიდან | ||||
| ფართობი | 335.14[1] კმ² | ||||
| ცენტრის სიმაღლე | 12±1 მეტრი | ||||
| მოსახლეობა | 300,515[1] კაცი (2011) | ||||
| სიმჭიდროვე | 1,931.8 კაცი/კმ² | ||||
| აგლომერაცია | 658,704 | ||||
| სასაათო სარტყელი | UTC+1, ზაფხულში UTC+2 | ||||
| სატელეფონო კოდი | 040 | ||||
| საფოსტო ინდექსი | 21X XX | ||||
| ოფიციალური საიტი | [www.malmo.se/ www.malmo.se] www.malmotown.com www.malmo.se/ www.malmo.se www.malmotown.com | ||||
  | |||||
მალმე არის მალმეს მუნიციპალიტეტის ცენტრი. მოსახლეობა შეადგენს 300 515 კაცს, რომელთაგან 30% წარმოშობით უცხოელია.[2] მალმეს შემადგენლობაში შედის ასევე ბურლევის მუნიციპალიტეტი, რომლის მოსახლეობაც შეადგენს 280,415 კაცს[1].
დიდი მალმე არის შვედეთის სამიდან ერთ-ერთი ოფიციალურად აღიარებული მეტროპოლია, რომელიც 2005 წლიდან მალმეს მუნიციპალიტეტის გარდა უკიდურეს სამხრეთში მდებარე 11 მუნიციპალიტეტს მოიცავს.[3] 2014 წელს მოსახლეობა შეადგენს 314 307 ადამიანს.[4] რეგიონი მოიცავს 2535.76კმ²-ს.[5]
პირველად იხსენიება XII საუკუნეში. მალმე იყო სკანდინავიაში ერთ-ერთი პირველი ინდუსტრიული ქალაქი, რომელმაც მალმეს უნივერსიტეტის გახსნის შემდეგ განიცადა ტრანსფორმაცია და შვედეთის საგანმანათლებლო ცენტრი გახდა. ორესუნის ხიდის აშენების შემდეგ მალმე არქიტექტურულად მნიშვნელოვნად განვითარდა. 2007 წელს ყველაზე მწვანე ქალაქებს შორის ჟურნალმა „გრისტმა“ მალმე N4 ადგილზე გაიყვანა.[6]
დემოგრაფია
1971 წელს მალმეს მოსახლეობა შეადგენდა 265,000 ადამიანს, თუმცა 1985 წელს მაცხოვრებლების რაოდენობა 229,000 კაცამდე შემცირდა.[7] მომავალ წლებში მოსახლეობის რაოდენობა იზრდებოდა და ძველ მაჩვენებელს მიაღწია 2003 წლის 1 იანვარს.[8]
მალმуს მოსახლეობის 30% - 87,554 ადამიანი არიან დაბადებული შვედეთის გარეთ[9]
უდიდეს ეთნიკურ ჯგუფებს წარმოადგენენ:[10]
ყოფილი იუგოსლავია (14,450)
ერაყი (10,000)
დანია (9,200)
პოლონეთი (6,900)
ლიბანი (3,900)
ირანი (3,600)
პალესტინა (2,500)
თურქეთი (2,300)
ავღანეთი (2,100)
რუმინეთი (2.050)
.svg){kind=small}
2005 წლის მიხედვით მალმეს ჰქონდა უცხოელების სიდიდით შვედეთის მასშტაბით მესამე მაჩვენებელი.[11] 2007 წელს მალმეში ცხოვრობდა 171 ეროვნების წარმომადგენელი.
ისტორიული ძეგლები
ქალაქი მოიცავს ბევრ ისტორიულ შენობას და პარკს. ძველ განაშენიანებაში ჭარბობს ერთსართულიანი სახლები. მალმეში არის გოტიკური სანქტ-პეტრიჩიურკის ტაძარი (1314), მალმეჰუსი (XV-XVI სს), რატუშა (1546), კრემატორიუმი (1943), ქალაქის თეატრი (1944), სტადიონი (1958), საცურაო აუზი (1959).
რესურსები ინტერნეტში
- ქალაქ მალმეს საბჭო დაარქივებული 2007-09-29 საიტზე Wayback Machine. - (ინგლისური)
- Malmö - მუნიციპალიტეტის ოფიციალური საიტი (შვედური)
- Malmotown.com დაარქივებული 2012-01-05 საიტზე Wayback Machine. - მალმეს იზიტორების ოფიციალური საიტი
- Mitt Malmö დაარქივებული 2013-06-14 საიტზე Wayback Machine. - მალმეს გიდი და ადგილობრივი სიახლეები. (შვედური)
- Malmöfestivalen დაარქივებული 2005-04-07 საიტზე Wayback Machine. (ინგლისური)
- მალმეს სურათები