ლეონარდო ბონუჩი

კარიერა დაიწყო „ვიტერბეზეში“. 2005 წლის ზაფხულში იჯარით გადავიდა „ინტერში“.^[3] მან „ინტერის“ პირველი გუნდის შემადგენლობაში ითამაშა სეზონისწინა მოსამზადებელი ეტაპის რამდენიმე ამხანაგურ მატჩში.^[4][5][6][7]

ბონუჩის დებიუტი სერია A-ში შედგა 2005–2006 წლების სეზონის ბოლო მატჩში „კალიარისთან“ მატჩში.^[8][9] სეზონის ბოლოს „ინტერმა“ შეიძინა ბონუჩის სატრანსფერო უფლებები.^[10]

2010 წლის ზაფხულში 8 მილიონი ევროს სანაცვლოდ ბონუჩი „იუვენტუსმა“ შეიძინა „ბარისგან“.^[11]

2012 წლის 2 აპრილს „იუვენტუსმა“ განაცხადა, რომ ბონუჩისთან გააფორმა ახალი, ხუთწლიანი კონტრაქტი.^[12]

2017 წლის 14 ივლისს ოფიციალურად დადასტურდა ბონუჩის გადასვლა „მილანში“. არსებული ინფორმაციით ტრანსფერის ღირებულებამ 42 მილიონი ევრო შეადგინა.^[13][14] ბონუჩის „იუვენტუსიდან“ წასვლას უკავშირებენ მასსა და გუნდის მწვრთნელს, მასიმილიანო ალეგრის შორის შექმნილ უთანხმოებას. მედიის ცნობით, კონფლიქტი ჯერ კიდევ თებერვალში დაიწყო, როდესაც „პალერმოსთან“ მატჩის შემდეგ მწვრთნელი და მოთამაშე ერთმანეთს წაეკიდნენ. მაშინ დაძაბულობა ჩაცხრა, თუმცა მდგომარეობა ხელმეორედ ჩემპიონთა ლიგის ფინალში მადრიდის „რეალის“ წინააღმდეგ მატჩისას დაიძაბა. La Stampa-ს ცნობით, შესვენებაზე გუნდელებს შორის მდგომარეობა უკიდურესად დაიძაბა. ერთ მხარეს იყვნენ დანი ალვესი და ბონუჩი, რომლებიც უკმაყოფილოები იყვნენ პაოლო დიბალას ცუდი თამაშით, მეორეზე კი — დანარჩენი მოთამაშეები და თვითონ ალეგრი. სეზონის ბოლოს კი როგორც დანი ალვესმა, ასევე ბონუჩიმ „იუვენტუსი“ დატოვეს.

იტალიის ეროვნულ ნაკრებში მისი დებიუტი შედგა 2010 წლის 3 მარტს კამერუნის ნაკრებთან მატჩში, მონაკოში.

ბონუჩი ნაკრების განაცხადში იყო 2010 წლის მსოფლიო ჩემპიონატზე.^[15][16][17] პირველი გოლი ეროვნული ნაკრების შემადგენლობაში გაიტანა 2010 წლის 3 ივნისს მექსიკის ნაკრებთან 1-2 წაგებულ ამხანაგურ შეხვედრაში. მსოფლიო ჩემპიონატზე მას არ უთამაშია არცერთ მატჩში.

#	თარიღი	ადგილი	მატჩი	მეტოქე	გოლი	შედეგი	გათამაშება
1.	3 ივნისი, 2010	მეფე ბოდუინის სტადიონი, ბრიუსელი, ბელგია	2	მექსიკა	1 – 2	1–2	ამხანაგური
2.	3 სექტემბერი, 2010	A. Le Coq Arena, ტალინი, ესტონეთი	4	ესტონეთი	1 – 2	1–2	ევრო 2012-ის შესარჩევი
3.	9 სექტემბერი, 2014	Ullevaal Stadion, ოსლო, ნორვეგია	40	ნორვეგია	0 – 2	0 – 2	ევრო 2016-ის შესარჩევი
4.	2 ივლისი, 2016	ბორდოს ახალი სტადიონი, ბორდო, საფრანგეთი	62	გერმანია	1–1	1–1	ევრო 2016

ინტერი

• სერია A: 2005–06^[18]
• პრიმავერას ნაციონალური ჩემპიონატი: 2007
• პრიმავერას თასი: 2006^[19]

იუვენტუსი

• სერია A (6): 2011-12, 2012-13, 2013-14, 2014-15, 2015-16, 2016/17
• იტალიის სუპერთასი (3): 2012, 2013, 2015; ვერცხლის პრიზიორი: 2014, 2016
• იტალიის თასი(3): 2014-15, 2015/16, 2016/17; ვერცხლის პრიზიორი: 2011-12
• უეფას ჩემპიონთა ლიგა: ვერცხლის პრიზიორი: 2014-15, 2016/17

• ევროპის ჩემპიონატი: ვერცხლის პრიზიორი: 2012

• უეფას ევროპის ლიგის სეზონის სიმბოლური გუნდი: 2013-14
• სერია A-ს წლის სიმბოლური გუნდი: 2014-15

¹იტალიის ფეხბურთის ფედერაციის მიერ, 2005-06 სეზონის სკუდეტო, ჩამოერთვა იუვენტუსს და გადაეცა მილანის ინტერს.

• შეგიძლიათ იხილოთ მედიაფაილები თემაზე „ლეონარდო ბონუჩი“ ვიკისაწყობში.
• ლეონარდო ბონუჩის გვერდი იუვენტუსის ოფიციალურ საიტზე
• პროფილი Soccerway-ზე
• პროფილი AIC.Football.it-ზე (იტალიური)
• ლეონარდო ბონუჩი Twitter-ზე
• ლეონარდო ბონუჩი Facebook-ზე