კბილღვედა ვეშაპი

კბილღვედა ვეშაპი (ლათ. Mesoplodon) — ძუძუმწოვართა გვარი დინგნისკარტასებრთა ოჯახისა. მათი სხეულის სიგრძეა 6 მ-მდე. ფერად მუქები არიან, ზოგჯერ თეთრი ლაქებით. დინგი სუსტადაა გამოყოფილი დაბალი შუბლ-ცხვირის ბალიშისაგან. თავის ქალის როსტრუმი მაგარი და მონოლითურია; ყბები — გრძელი და ვიწრო. კბილები (1 წყვილი) წაბრტყელებული ფორმისაა, განლაგებულია ქვედა ყბის წინა მხარეს (დედალს ჩვეულებრივ არ ამოსდის). გვარში 15-მდე სახეობაა. გავრცელებული არიან თითქმის ყველა ოკეანეში. გამოირჩევიან მცირერიცხოვნობით, მცირედ შესწავლილები არიან. იკვებებიან თავფეხიანი მოლუსკებითა და თევზით.

კბილღვედა ვეშაპი
ატლანტური კბილღვედა ვეშაპი (Mesoplodon bidens)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები რიგი:  ვეშაპისნაირნი ოჯახი:  დინგნისკარტასებრნი გვარი:  კბილღვედა ვეშაპი
ლათინური სახელი
Mesoplodon (Gervais, 1850)
სისტემატიკა ვიკისახეობებში სურათები ვიკისაწყობში ITIS   180506 NCBI   9757 EOL   39796 FW   36763