კარნეგის ტბა

კარნეგის ტბა (ინგლ. Lake Carnegie) — დიდი შრობადი ტბა ავსტრალიაში, დასავლეთ ავსტრალიაში. გაწოლილია დასავლეთ ავსტრალიის ზეგანზე, ზღვის დონიდან 439 მ სიმაღლეზე. ტბის სიგრძეა დაახლოებით 100 კმ, ხოლო უდიდესი სიგანე 30 კმ. ზედაპირის ფართობი დაახლოებით 5714 კმ².^[1] მდებარეობს ქალაქ უილუნის აღმოსავლეთით, პატარა ქვიშიანი უდაბნოს სამხრეთ კიდესა და გიბსონის უდაბნოს საზღვარზე. სამხრეთ-აღმოსავლეთითაა ვიქტორიას დიდი უდაბნო და აქვეა დიდი ცენტრალური გზა. უმეტესწილად გარშემორტყმულია უდაბნო ლანდშაფტით.^[2] წყლით ივსება მხოლოდ უხვი ნალექების დროს. გვალვიან პერიოდში ტბა ტალახიანი მარში ხდება. სამხრეთ-აღმოსავლეთითაა უელსის ტბა. სახელი ეწოდა ავსტრალიელი მოგზაურის დეივიდ კარნეგის პატივსაცემად, რომელიც ამ ადგილებს 1890-იან წლებში სწავლობდა.^[3]

კარნეგის ტბა
ტბის კოსმოსური გამოსახულება, 1999 წელი
კოორდინატები: 26°10′ ს. გ. 122°30′ ა. გ. / 26.167° ს. გ. 122.500° ა. გ. / -26.167; 122.500
მდებარეობა	ავსტრალია
ტერიტორიული ერთეული	დასავლეთი ავსტრალია
სიმაღლე ზღვის დონიდან	439 მ
სიგრძე	100 კმ
სიგანე	30 კმ
ფართობი	5714 კმ²