იისფერი (ფილმი)
იისფერი (ინგლ. The Color Purple) — სტივენ სპილბერგის 1985 წლის ამერიკული დრამა. ფილმი გადმოსცემს ისტორიას შავკანიანი ახალგაზრდა გოგონასი, რომელიც ამერიკის უკიდურეს სამხრეთში იზრდება.
| „იისფერი“ | |
|---|---|
 | |
| დამდგმელი რეჟისორი | სტივენ სპილბერგი |
| პროდიუსერი | ქუინსი ჯოუნზი, კეთლინ კენედი, ფრენკ მარშალი, სტივენ სპილბერგი |
| სცენარის ავტორი | მენო მეიესი |
| ნაწარმოები | იისფერი — ელის უოკერი |
| როლებში | დენი გლოვერი, ვუპი გოლდბერგი |
| მუსიკა | ქუინსი ჯოუნზი |
| ოპერატორი | ალენ დავიუ |
| მონტაჟი | მაიკლ კანი |
| სტუდია | Amblin Entertainment |
| დისტრიბუტორი | Warner Bros. |
| გამოსვლის თარიღი | 18 დეკემბერი, 1985 |
| ხანგრძლივობა | 154 წუთი |
| ქვეყანა | აშშ |
| ენა | ინგლისური |
| ბიუჯეტი | $15 მლნ |
| შემოსავალი | $ 142 მლნ |
როლებში
- ვუპი გოლდბერგი — სელი ჯონსონი
- დენი გლოვერი — ალბერტ ჯონსონი
- ოპრა უინფრი — სოფია
გადაღება
1985 წელს გოლდბერგმა შეიტყო, რომ ელის უოკერის ეპიკური რომანის „იისფერის“ გადაღება იგეგმებოდა, რომელიც აფროამერიკულ „ქარწაღებულებად“ მიიჩნევა. მან ავტორს წერილი გაუგზავნა, სადაც სთხოვა რაიმე როლი მიეცათ მისთვის. ელის უოკერმა, რომელიც გოლდბერგის თეატრალურ ნამუშევრებს იცნობდა, რეჟისორ სტივენ სპილბერგს სთხოვა ვუპისთვის როლი მიეცათ; რეჟისორის გადაწყვეტილებით, გოლდბერგს მთავარი როლი, ამერიკელი შავკანიანი ქალის სესილი ჯონსონის პერსონაჟის განსახიერება ერგო.
ჯილდოები
გოლდბერგის შესრულების მანერა უყურადღებოდ არ დარჩენილა. მისი შესრულება ოქროს გლობუსის ჯილდოთი და ოსკარის ნომინაციით აღინიშნა. ფილმმა მიიღო ოსკარის 11 ნომინაცია, მაგრამ ვერცერთი ჯილდო ვერ მოიპოვა. ასევე ნომინირებული იყო ოქროს გლობუსის კიდევ ოთხ ჯილდოზე.