იაგელონები

იაგელონები (ბელარ. Ягелоны, პოლ. Jagiellonowie, ლიეტ. Jogailaičiai) — სამეფო დინასტია, რომელიც მართავდა ცენტრალური ევროპის ქვეყნებს XIV—XVI სს-ში. ამ დინასტიის წარმომადგენლები იყვნენ ლიეტუვის დიდი მთავრები 1377-1392 წლებში, 1386-1572 წლებში პოლონეთის მეფეები, 1440-1444 და 1490-1526 უნგრეთის მეფეები, 1471-1526 წლებში კი - ჩეხეთის მეფეები. იაგელონები - ლიეტუვური დინასტიის გედიმინოვების გვერდითი შტოა, რომელსაც გააჩნია ბელორუსიული და ბალტიური ფესვები.

დინასტია დააარსა ვლადისლავ იაგელომ (იაგაილო).

• იაგაილო (პოლ. Władysław Jagiełło, ლიეტ. Jogaila 1351-1434 წ.წ) - 1377-1381, 1382-1392 წწ.-ში ლიტვის დიდი მთავარი; 1386-1434 წ.წ. პოლონეთის მეფე.

• ვლადისლავ III ვარნელი ვარნენჩიკი (პოლ. Władysław Warneńczyk, 1424-144 წწ.) - 1434-1444 წწ. პოლონეთის მეფე; 1440-1444 წ.წ. უნგრეთის მეფე ლასლო I; 1440-1444 წწ. ხორვატიის მეფე ვლადისლავ I.

• კაზიმირ იაგელონი (პოლ. Kazimierz Jagiellończyk, ლიეტ. Kazimieras Jogailaitis,1427-1492 წ.წ.) - 1447-1492 წწ. პოლონეთის მეფე კაზიმირ IV; 1440-1454 წ.წ. ლიტვის დიდი მთავარი; 1454 წელს იქორწინა - საღვთო რომის იმპერიის იმპერატორ ალბერტ II-ის (1397-1439 წწ.) ქალიშვილზე - ელისაბედ ჰაბსბურგზე (1437-1505 წ.წ.);