თაჰათი

თაჰათი (არაბ. جبل تاهات) — აჰაგარის მასივის და საერთოდ, ალჟირის უმაღლესი წერტილი. სიმაღლე 2918 მ. ყველაზე ახლოს მდებარე ქალაქია თამანრასეთი, რომელიც თაჰათიდან სამხრეთით 56 კმ-ში მდებარეობს. თაჰათი ვულკანური წარმოშობისაა. მოქცეულია ცენტრალური საჰარის არიდულ ზონაში. სხვადასხვა წყაროების შესაბამისად, მისი სიმაღლე ზღვის დონიდან განისაზღვრება 2918 ან 3003 მეტრით. თაჰათის მიდამოებში აღმოჩენილია პეტროგლიფები, რომლებიც დათარიღებულია ძველი წელთაღრიცხვის 8000-2000 წლებით. ისინი ასახავენ პირუტყვის ძოვებისა და ცხოველებზე ნადირობის სცენებს. თაჰათზე პირველად ავიდა შვეიცარიელი ალპინისტი ედუარდ ვის-დიუნანი 1931 წელს.

თაჰათი
თაჰათი
კოორდინატები: 23°17′15″ ჩ. გ. 5°31′45″ ა. გ. / 23.28750° ჩ. გ. 5.52917° ა. გ. / 23.28750; 5.52917
ქვეყანა	ალჟირი
სიმაღლე	2918 მ
ქედი	აჰაგარი
პირველი ასვლა	1931 წ.