ვიქტორია კომოვა
ვიქტორია კომოვა (რუს. Виктория Александровна Комова; დ. 30 იანვარი, 1995) — რუსი სპორტული ტანმოვარჯიშე. ორგზის ოლიმპიური მედალოსანი: „all-around“ ღონისძიებასა და გუნდურ ჩათვლაში 2012 წლის ზაფხულის ოლიმპიური თამაშების ვერცხლის მედალოსანი. ასევე, 2011 წლის მსოფლიო ჩემპიონატის გამარჯვებული „uneven bars“ ღონისძიებაში და „all-around“ ღონისძიების ვერცხლის მედალოსანი, 2015 წლის მსოფლიო ჩემპიონატის გამარჯვებული „uneven bars“ ღონისძიებაში. უმცროსთა შორის 2010 წლის ახალგაზრდული ოლიმპიური თამაშების „all-around“, „uneven bars“ და „ბჯენითი რბენები“ ღონისძიებების ჩემპიონი და „floor exercise“ ღონისძიების ბრინჯაოს მედალოსანი.
ვიქტორია კომოვა | |
---|---|
![]() კომოვა 2012 წლის ზაფხულის ოლიმპიურ თამაშებზე | |
სრული სახელი | ვიქტორია ალექსანდრეს ასული კომოვა |
მეტსახელ (ებ) ი | ვიკა |
ქვეყანა (სპორტი) | ![]() |
დაიბადა | 30 იანვარი, 1995 ვორონეჟი, რუსეთი |
საცხოვრებელი ადგილი | ვორონეჟი, რუსეთი |
სიმაღლე | 1,62 მ.[1] |
წონა | 48 კგ. |
დისციპლინა | ქალთა მხატვრული ტანვარჯიში |
დონე | უფროსთა შორის საერთაშორისო ელიტური |
გუნდი | დინამოს სპორტული კლუბი |
მწვრთნელ(ებ)ი | გენადი ილფიმოვი |
ასისტენტი მწვრთნელ(ებ)ი | ოლგა ბულგაკოვა |
ქორეოგრაფი | ნადეჟდა სეზინა |
მუსიკა | 2014-15: Fanatico |
პირადი ცხოვრება
ვიქტორია კომოვა ვორონეჟში დაიბადა, ვერა კოლეშნიკოვასა და ალექსანდრე კომოვის ოჯახში. დედამისი 1986 წლის კეთილდღეობის თამაშების „all-around“ ღონისძიების გამარჯვებულია, მამაც ტანმოვარჯიშეა.[2] ჰყავს უფროსი ძმა — ალექსანდრე (მეტსახელად საშა).[3]
უმცროსთა შორის კარიერა
კომოვამ ტანვარჯიშში ვარჯიში 4 წლის ასაკიდან დაიწყო. პირველი სამი წლის განმავლობაში დედამისი წვრთნიდა, შვიდი წლის ასაკიდან კი მისი მწვრთვნელი გენადი იელფიმოვი გახდა. „ახლა ტანვარჯიში ჩემი ცხოვრებაა“, — განაცხადა კომოვამ 2010 წელს, — „მის გარეშე სიცოცხლე ვერ წარმომიდგენია.“[2]
2010
აპრილის ბოლოს კომოვა ბირმინგემში, გაერთიანებულ სამეფოში ჩატარებულ ქალთა სპორტული ტანვარჯიშის ევროპის ჩემპიონატზე გამოვიდა. 57,050 ქულით ის გუნდს პირველ ადგილზე გასვლაში დაეხმარა. ინდივიდუალურ ჩათვლაში კი „all-around“ და „ბჯენითი რბენები“ (14,425) ღონისძიებები მოიგო, „balance beam“ (14,625) ღონისძიებაში კი მეორე ადგილი დაიკავა.[4]
აგვისტოში კომოვა სინგაპურში გამართულ ახალგაზრდულ ოლიმპიურ თამაშებზე გამოვიდა. შეჯიბრების დაწყებამდე ვიქტორიამ განაცხადა: „ძალიან დიდი პაუხისმგებლობაა, შეჯიბრზე ერთადერთ რუს ტანმოვარჯიშედ ყოფნა. საკმაოდ დიდი წნეხია ჩემს მხრებზე, რადგან ევროპის ჩემპიონატი მოვიგე უმცროსთა შორის. იმედი მაქვს, რომელიმე ღონისძიებაში მედალს მოვიპოვებ და იმედია, ის ოქრო იქნება.“[2] 61.250 ქულით კომოვამ „all-around“ ღონისძიებაში გაიმარჯვა.[5] ოქროს მედლები მოიპოვა „ბჯენითი რბენები“ (15,132) და „uneven bars“ (14,525) ღონისძიებებშიც, „floor exercise“ (14,175) ღონისძიებაში კი — ბრინჯაოს მედალი დაიმსახურა. ყველაზე ცუდი მაჩვენებელი „balance beam“ ღონისძიებაში ჰქონდა — 12,000 ქულა (მეშვიდე ადგილი).[6][7]
ნოემბერში ვიქტორიამ კალიარში გამართულ იტალიის გრან პრიზე იასპარეზა. ტანმოვარჯიშემ „uneven bars“ ღონისძიებაში ოქროს (15,500), ხოლო „balance beam“ ღონისძიებაში ვერცხლის (14,600) მედალი მოიპოვა.[8]
დეკემბერში კომოვამ დარბაზში სეირნობის დროს კოჭი დაიზიანა.[9] წლის ბოლოს მან ტანვარჯიშის საერთაშორისო გაზეთს განუცხადა: „2010 წელს საუკეთესო წამი ჩემი დაბადების დღის საჩუქარი იყო — ში ცუს სახეობის ლეკვი (კიტია). და რა თქმა უნდა, ევროპის ჩემპიონატიდან და ახალგაზრდული ოლიმპიური თამაშებიდანაც ძალიან სასიამოვნო და მხიარული მოგონებები დამრჩა. ახალი წელი ჩვენი ოჯახისთვის არდადეგებია და ჩვენ მას ყოველთვის სახლში აღვნიშნავთ. თანაც ყველას გვიყვარს პიცა, დედაჩემი კი მას ძალიან გემრიელს ამზადებს. ახალი წლის შესახვედრად სხვადასხვა სახის სალათის, ხორცის კერძებისა თუ მსუბუქი კერძების მომზადებაში ჩვენც ვეხმარებით. შუაღამისას, ტრადიციისამებრ შამპანურს ვხსნით, ერთმანეთს ახალ წელს ვულოცავთ, საჩუქრებს ვჩუქნით და ფოიერვერკებს ვუყურებთ. შემდეგ მეზობლებთან ერთად ვიკრიბებით და ვხალისობთ. ძალიან მინდა, ახალი წლისთვის სწრაფად გამოვჯანმრთელდე და რუსეთის ჩემპიონატისთვის მოვემზადო, რათა ევროპისა და მსოფლიო ჩემპიონატზე წარმატებით ვიასპარეზო, ისევე, როგორც სკოლის გამოცდები ჩავაბარო.”[3]
უფროსთა შორის კარიერა
2011
თებერვალში რუსეთის ჩემპიონატზე კომოვამ ტერფი კიდევ ერთხელ დაიზიანა.[10] მაისში მყესების გასამთელებლად კომოვას გერმანიაში მარჯვენა ტერფზე ანთროსკოპიული ოპერაცია ჩაუტარდა.[10] ივლისიდან ის ვარჯიშსს დაუბრუნდა.[10]
აგვისტოში ეკატერინბურგში ჩატარებულ რუსეთის თასზე „all-around“ ღონისძიებასი 58,875 ქულით კომოვამ მეორე ადგილი დიაკავა.[11] ინდივიდუალურ ჩათვლაში მან ორი ოქროს მედალი მოიპოვა: „uneven bars“ (15.875), „balance beam“ (15.525).[12][13]
შეჯიბრებების ისტორია
წელი | ღონისძიება | ადგილმდებარეობა | ღონისძიება | საფინალო ადგილი | საფინალო ქულა | საკვალიფიკაციო ადგილი | საკვალიფიკაციო ქულა |
---|---|---|---|---|---|---|---|
2010 | ახალგაზრდული ოლიმპიური თამაშები | სინგაპური | All-Around | 1 | 61,250 | 1 | 61,000 |
„ბჯენითი რბენები“ | 1 | 15,312 | 1 | 15,400 | |||
Uneven Bars | 1 | 14,525 | 1 | 15,600 | |||
Balance Beam | 7 | 12,000 | 2 | 15,150 | |||
Floor Exercise | 3 | 14,175 | 1 | 14,550 | |||
2011 | მსოფლიო ჩემპიონატი | ტოკიო | Team | 2 | 175,329 | 2 | 231,062 |
All-Around | 2 | 59,349 | 1 | 60,157 | |||
Uneven Bars | 1 | 15,500 | 1 | 15,733 | |||
Balance Beam | 8 | 13,766 | 1 | 15,400 | |||
Floor Exercise | WD | 5 | 14,491 | ||||
2012 | ევროპის ჩემპიონატი | ბრიუსელი | Team | 2 | 175,536 | 2 | 172,562 |
Uneven Bars | 1 | 15,666 | 1 | 15,508 | |||
Balance Beam | 6 | 13,100 | 3 | 14,916 | |||
ოლიმპიური თამაშები | ლონდონი | Team | 2 | 178,530 | 2 | 180,429 | |
All-Around | 2 | 61,973 | 1 | 60,632 | |||
Uneven Bars | 5 | 15,666 | 3 | 15,833 | |||
Balance Beam | 8 | 13,166 | 2 | 15,266 | |||
Floor Exercise | 28 | 13,900 | |||||
2015 | ევროპის თამაშები | ბაქო | Team | 1 | 116.897 | ||
All-Around | 3 | 56,965 | |||||
Uneven Bars | 4 | 14,866 | |||||
Balance Beam | 4 | 14,233 | |||||
Floor Exercise | 15 | 13,300 | |||||
მსოფლიო ჩემპიონატი | გლაზგო | Team | 4 | 171,964 | 2 | 231,437 | |
Uneven Bars | 1 | 15,366 | 2 | 15,300 | |||
Balance Beam | 4 | 13,933 | 4 | 14,533 |