ვალდეკი

ვალდეკი (გერმ. Waldeck), 1625—1805 და 1815—1918 წლებში ვალდეკ-პირმონტი (გერმ. Waldeck und Pyrmont) — სახელმწიფოებრივი წარმონაქმნი (საგრაფო, 1712 წლიდან სამთავრო) თანამედროვე გერმანიის ტერიტორიაზე, არსებობდა 1180 წლიდან ვალდეკის სახლის ძალაუფლების ქვეშ.

1918 წლიდან ვალდეკი — სახელმწიფო ვაიმარის რესპუბლიკის შემადგენლობაში. 1929 წელს შეუერთდა პრუსიის თავისუფალ სახელმწიფოს. დღესდღეობით ყოფილი სამთავროს ტერიტორია შედის ჰესენისა და ქვემო საქსონიის ფედერალური მიწების შემადგენლობაში.