გიორგი ჩაკვეტაძე
გიორგი ჩაკვეტაძე (დ. 29 აგვისტო, 1999) — ქართველი ფეხბურთელი. საქართველოს ეროვნული ნაკრებისა და ინგლისური „უოტფორდის“ შემტევი ნახევარმცველი. 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.
პირადი მონაცემები | |||
---|---|---|---|
დაბადების თარიღი | 29 აგვისტო, 1999 | ||
დაბადების ადგილი | თბილისი, საქართველო | ||
სიმაღლე | 183 სმ | ||
სათამაშო პოზიცია | შემტევი ნახევარმცველი | ||
საკლუბო ინფორმაცია | |||
მიმდინარე კლუბი | უოტფორდი | ||
ნომერი | 16 | ||
ახალგაზრდული კარიერა | |||
2007–2010 | ნორჩი დინამო | ||
2010–2016 | დინამო თბილისი | ||
პროფესიონალური კარიერა* | |||
წლები | გუნდი | მატჩი | (გოლი) |
2016–2017 | დინამო თბ. | 29 | (5) |
2017– | გენტი | 50 | (5) |
2022 | → ჰამბურგი | 10 | (1) |
2022–2023 | → სლოვანი | 25 | (1) |
2023–2024 | → უოტფორდი | 23 | (1) |
2024– | უოტფორდი | 11 | (0) |
ეროვნული ნაკრები‡ | |||
2015–2016 | საქართველო U17 | 20 | (5) |
2016 | საქართველო U18 | 5 | (0) |
2016–2017 | საქართველო U19 | 14 | (1) |
2017 | საქართველო U21 | 3 | (0) |
2018– | საქართველო | 25 | (8) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 13 აპრილი, 2024 ‡ ეროვნული ნაკრების მატჩი და გოლი ბოლოს განახლდა: 18 ივნისი, 2024 |
საკლუბო კარიერა
გიორგი ჩაკვეტაძე 1999 წლის 29 აგვისტოს დაიბადა თბილისში, მერაბ ჩაკვეტაძისა და მთვარისა რუხაძის ოჯახში. გიორგის მამა აფხაზეთიდან, კერძოდ ოჩამჩირის რაიონის სოფელ არადუდან იძულებით დევნილია.
გიორგიმ ვარჯიში ნორჩ დინამოში დაიწყო, სადაც მისი პირველი მწვრთნელი იყო თამაზ კოსტავა. ნორჩ დინამოელს მოჰყვა თბილისის დინამოს აკადემია და შემდეგ ძირითადი გუნდი. ჩაკვეტაძე, ქართული ფეხბურთის ფლაგმანში 2015 წელს ჩაირიცხა და 3 წლიან კონტრაქტს მოაწერა ხელი, დებიუტი კი 2016 წელს თანაქალაქურ „ლოკომოტივთან“ ჰქონდა, როდესაც ოთარ კიტეიშვილი შეცვალა.
2017 წელს თბილისში გამართულ ევროპის 19 წლამდე ჩემპიონატზე დატოვებული კარგი შთაბეჭდილების შემდეგ, ჩაკვეტაძის შეძენით წამყვანი ევროპული გუნდები დაინტერესდნენ, პრესაში ვრცელდებოდა ინფორმაცია სხვადასხვა გუნდების შესახებ, რომელთა შორისაც იყვნენ „ლევერკუზენი“, „ჰოფენჰაიმი“, „ლივერპული“, „ტოტენჰემი“ და „ბაიერნი“, განსაკუთრებით დიდი იყო ინტერესი ამ უკანასკნელისგან, რომლის პრეზიდენტი ული ჰიონესი პირადად იყო ტრანსფერის განხორციელებით დაინტერესებული.[1] საბოლოოდ, გიორგის აგენტების გოგა გახოკიძისა და ლაშა ჯაკობიას ჩართულობით, გიორგიმ ბელგიურ გუნდ „გენტზე“ შეაჩერა არჩევანი, რომელთანაც კონტრაქტს 2017 წლის აგვისტოში მოაწერა ხელი. კლუბში ჩაკვეტაძეს საყვარელი 7-ნომრიანი მაისურა გადასცეს, რა ნომრითაც გიორგის კუმირი კრიშტიანუ რონალდუ ასპარეზობს.
სანაკრებო კარიერა
გიორგი ჩაკვეტაძეს ეროვნულ ნაკრებში დებიუტი 2018 წლის 24 მარტს, ლიტვასთან ამხანაგურ მატჩში ჰქონდა, სადაც თავი გატანილი გოლით გამოიჩინა და ნაკრების შეტევების ერთ-ერთი სულისჩამდგმელი იყო, რის შემდეგაც გიორგი ნაკრების ძირითადი შემადგენლობის შეუცვლელ წევრად და მაყურებლების ერთ-ერთ უსაყვარლეს ფეხბურთელად იქცა. უეფას ერთა ლიგაზე, ყაზახეთთან მატჩში გიორგი გახდა ტურნირის ისტორიაში პირველი გოლის ავტორი.
სანაკრებო გოლები
# | თარიღი | სტადიონი | მეტოქე | გოლი | შედეგი | შეჯიბრება |
---|---|---|---|---|---|---|
1. | 24 მარტი 2018 | მიხეილ მესხის სტადიონი, თბილისი | ლიეტუვა | 4–0 | 4–0 | ამხანაგური |
2. | 6 სექტემბერი 2018 | ასტანა არენა, ასტანა | ყაზახეთი | 1–0 | 2–0 | უეფა-ს ერთა ლიგა D |
3. | 16 ოქტომბერი 2018 | დაუგავას სტადიონი, რიგა | ლატვია | 3–0 | 3–0 | უეფა-ს ერთა ლიგა D |
4. | 15 ნოემბერი 2018 | ესტადი ნაციონალი, ანდორა ლა ველა | ანდორა | 1-0 | 1-1 | ერთა ლიგა |
5. | 19 ნოემბერი 2018 | ბორის პაიჭაძის ეროვნული სტადიონი, თბილისი | ყაზახეთი | 2-0 | 2–1 | ერთა ლიგა |
მიღწევები
საკლუბო
- სლოვაკეთის ჩემპიონი: 2022–23
- სლოვაკეთის თასის ფინალისტი: 2022–23
- ბელგიის ვიცე-ჩემპიონი: 2019–2020
- ბელგიის თასის ფინალისტი: 2018–2019
ინდივიდუალური
ჯილდოები
- ღირსების ორდენი: 2024[2]
რესურსები ინტერნეტში
- გიორგი ჩაკვეტაძე — პროფილი Soccerway-ზე (ინგლისური)
- გიორგი ჩაკვეტაძე – უეფას ჩანაწერი (ინგლისური)
- გიორგი ჩაკვეტაძე — სტატისტიკა საიტზე Soccerbase.com (ინგლისური)