ადვენტი
ადვენტი (ლათ. adventus, მოსვლა) — დასავლურ ქრისტიანულ ტრადიციაში წინასაშობაო პერიოდი, რომელიც შობამდე აღინიშნება. ადვენტი, დასავლურ ტრადიციაში, არის ქრისტეს შობისადმი მომზადება და მისი მოლოდინი.
![](http://upload.wikimedia.org/wikipedia/commons/thumb/7/7a/Advent_Sunday_in_Vaxholm%27s_church_2008.jpg/220px-Advent_Sunday_in_Vaxholm%27s_church_2008.jpg)
პერიოდის სახელწოდება მომდინარეობს ლათინური სიტყვიდან adventus, რაც ქართულად ითარგმნება, როგორც „მოსვლა“. იგივე სიტყვა ახალ აღთქმაში გამოიყენება მეორედ მოსვლაზე საუბრისას. დასავლურ ტრადიციაში ადვენტი „ქრისტეს მოსვლას“ სამი განსხვავებული პერსპექტივიდან განიხილავს - ქრისტეს შობას ბეთლემში, ქრისტეს მიმღებლობას მორწმუნის გულში, და ესქატოლოგიური პერსპექტივიდან, მეორედ მოსვლის კონტექსტში.[1]
ადვენტთან დაკავშირებული წეს-ჩვეულებები მოიცავს ადვენტის კალენდრის წარმოებას, საშობაო გვრიგვინის მომზადებას, ადვენტის ლოცვის კითხვას, საშობაო ნაძვის ხის დადგმას, საშობაო სანთლების დანთებას[2] და საშობაო დეკორაციებით მორთვას.[3][4][5]