Misu

Misu (미수;米水) ya iku ombenan tradhisional kas Koréa kang digawé saka glepung wiji-wijinan.^[1] Misu minangka ombenan mangsa panas kang disajekake kanggo ngilangake rasa ngelak amarga hawa panas.^[1] Saliyané iku misu uga dadi penambah ènergi lan nutrisi instan kanggo wong kang kelangan ènergi akèh utawa ora duwé nepsu mangan.^[1]

Ing resep masakan Cina kuna, panganan iki diarani qiu utawa tepung kang digoreng.^[1] Ing catatan resep masakan pura Dinasti Joseon, misu diarani glepung gandum kang dimasak (gu).^[1] Gu duwé rasa kang énak lan gampang dipangan nalika lelungan adoh.^[1][2]

Misu racaké digawé saka bahan beras ketan utawa bahan liyae kaya ta gandum utawa tuwuhan jali (yeolmu) utawa bahan-bahan gandum, ketan, kedelai ireng lan wiji wijen ireng dicampurake kanggo nambahi gizi.^[1] Bahan-bahan mau dudeplok lan glepunge dicampuri banyu ing sawijining mangkuk banjur diudhek.^[1] Kanggo nambahi rasa legi, bisa ditambahi gula.^[1]